ഷിമോഗയില്‍ ക്വാറി സ്‌ഫോടനം: 8 മരണം

ബെംഗളൂരു: കര്‍ണാടകയിലെ ഷിമോഗയില്‍ ക്വാറിയിലുണ്ടായ ഉഗ്ര സ്‌ഫോടനത്തില്‍ 8 പേര്‍ കൊല്ലപ്പെട്ടു. ഷിമോഗയിലെ അബ്ബലഗരെ താലൂക്കില്‍ രാത്രി പത്തരയോടെയാണ് സംഭവം. റെയില്‍വേക്ക് വേണ്ടി മെറ്റല്‍ തയ്യാറാക്കുന്ന ക്രഷര്‍ യൂണിറ്റില്‍ ജെലാറ്റിന്‍ സ്റ്റിക്കുകളുമായി എത്തിയ ട്രക്ക് പൊട്ടിത്തെറിച്ചാണ് അപകടമുണ്ടായത്. ട്രക്കിലുണ്ടായിരുന്ന തൊഴിലാളികളാണ് മരിച്ചവരിലേറെയും.

വന്‍ സ്‌ഫോടനത്തിന്റെ പ്രകമ്പനം കാരണം ഭൂചലനമാണെന്ന ഭീതിയില്‍ ആളുകള്‍ വീടുകളില്‍ പുറത്തേക്കിറങ്ങി ഓടി. പ്രദേശത്തെ മിക്ക വീടുകളുടെയും ജനല്‍ ചില്ലുകള്‍ പൊട്ടിത്തെറിച്ചു. റോഡ് വിണ്ടു കീറി. ബിഹാര്‍ സ്വദേശികളായ പത്തോളം തൊഴിലാളികളാണ് ക്വാറിയിലുണ്ടായിരുന്നത്.