നോര്ക്ക റൂട്ട്സ് റസിഡന്റ് വൈസ് ചെയര്മാനായി പി ശ്രീരാമകൃഷ്ണന് ചുമതലയേറ്റു
തിരുവനന്തപുരം: നോര്ക്ക റൂട്ട്സിന്റെ റസിഡന്റ് വൈസ് ചെയര്മാനായി പി ശ്രീരാമകൃഷ്ണന് നിയമിതനായി. കേരള നിയമസഭാ സ്പീക്കറായിരുന്ന പി ശ്രീരാമകൃഷ്ണന്, പ്രവാസി മലയാളികള്ക്കായി ലോകകേരള സഭ എന്ന പൊതുവേദി യാഥാര്ഥ്യമാക്കുന്നതില് നിര്ണായക പങ്കുവഹിച്ചിട്ടുണ്ട്.
ലോകകേരള സഭ, ഇവിധാന് സഭ, സമ്പൂര്ണ കടലാസുരഹിത വിധാന് സഭ, സെന്റര് ഫോര് പാര്ലമെന്റ് സ്റ്റഡീസ് ആന്റ് ട്രയിനിങിന്റെ പരിഷ്കരണം, പുതിയ കോഴ്സുകള്, സ്കൂള് ഓഫ് പോളീസിസ്, ഫെസ്റ്റിവല് ഓണ് ഡെമോക്രസി എന്ന പുതിയ പദ്ധതി, ആയിരം ഭരണഘടനാ ക്ലാസ്സുകള്, സാക്ഷരതാ മിഷനുമായി ചേര്ന്നുള്ള വിവിധ പരിപാടികള് തുടങ്ങിയവ പരിഗണിച്ചുകൊണ്ട് ഇന്ത്യയിലെ ഏറ്റവും മികച്ച സ്പീക്കര്ക്കുള്ള അവാര്ഡിന് അദ്ദേഹം അര്ഹനായി.
ഇതിനു പുറമെ ഈ മേഖലയില് മറ്റു മൂന്ന് ദേശീയ അവാര്ഡുകളും അദ്ദേഹം കരസ്ഥമാക്കി. നിയമങ്ങളുടെ അനുഭവങ്ങള് പങ്കുവയ്ക്കാനും പരിശോധിക്കാനുമുള്ള വേദിയായി സംഘടിപ്പിച്ച ഫെസ്്റ്റിവല് ഓണ് ഡെമോക്രസിയില് രാഷ്ട്രപതി സംബന്ധിച്ചിരുന്നു.
പതിമൂന്നാം കേരള നിയമസഭയില് പൊന്നാനി മണ്ഡലത്തെ പ്രതിനിധീകരിച്ചാണ് അദ്ദേഹം ആദ്യമായി സാമാജികനായത്. കേരളാ സ്റ്റേറ്റ് യൂത്ത് വേല്ഫെയര്ബോര്ഡിന്റെ വൈസ് ചെയര്മാനായി അഞ്ചു വര്ഷം പ്രവര്ത്തിച്ചിരുന്നു. സിപിഎം സംസ്ഥാന സമിതി അംഗമാണ്.
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT