ഉസാമ ബിന്‍ ലാദന്റെ യുഎസിലെ വീട് വില്‍പ്പനക്ക്; വില 2.8 കോടി ഡോളര്‍

ലോസ്ആഞ്ചലസ് : ഉസാമ ബിന്‍ ലാദന്റെ ലോസ്ആഞ്ചലസിലെ വീട് വില്‍പനക്ക്. 28 ദശലക്ഷം ഡോളറാണ് വീടിന്റെ വിലയായി നിശ്ചയിച്ചത്. ബിന്‍ ലാദന്റെ അര്‍ധസഹോദരന്‍ ഇബ്രാഹിം ബിന്‍ ലാദനാണ് വീട് വില്‍പനക്ക് വെച്ചത്. 7100 ചതുരശ്രയടിയുള്ള ഈ ബംഗ്ലാവ് 1983ലാണ് ലാദന്‍ സ്വന്തമാക്കിയത്.

ഏഴു കിടപ്പുമുറികളും അഞ്ചു ബാത്ത്‌റൂമുകളും ഇതിനുള്ളിലുണ്ട്. 1980കളില്‍ യുഎസിലെത്തിയ ഉസാമ ധനികനായ അമേരിക്കന്‍ വ്യവസായിയുടെ മകള്‍ ക്രിസ്റ്റീന ഹര്‍ഥുനിയനെ പരിചപ്പെട്ട് വിവാഹം ചെയ്യുകയായിരുന്നു. ഇവര്‍ ഒന്നിച്ചു താമസിച്ചിരുന്ന വീടാണ് ഇത്. ഡയാന രാജകുമാരിയുടെ സുഹൃത്തായിരുന്ന ദോദി അല്‍ ഫായിദ് മുഖേനയാണ് ഉസാമ ക്രിസ്റ്റീനയുമായി പരിചയത്തിലായത്. സെപ്റ്റംബര്‍ 11ലെ വേള്‍ഡ് ട്രേഡ് സെന്റര്‍ ആക്രമണത്തിനു ശേഷം 20 വര്‍ഷമായി ബംഗ്ലാവില്‍ ആരും താമസിച്ചിരുന്നില്ല.