അപകഭീഷണിയുയര്ത്തി മാള, എരവത്തൂര്, ആലുവ റൂട്ടിലെ മണ്ടിക്കയറ്റം
മാള: മാള, എരവത്തൂര്, ആലുവ റൂട്ടില് വലിയപറമ്പിനും പാറപ്പുറത്തിനും ഇടയിലുള്ള മണ്ടിക്കയറ്റം അപകട ഭീഷണി സൃഷ്ടിക്കുന്നതിനൊപ്പം ഗതാഗത തടസ്സത്തിനും കാരണമാകുന്നു. കുത്തനെയുള്ള കയറ്റവും വളവുമാണ് അപകട ഭീഷണിയുയര്ത്തുന്നത്. റോഡിലേക്ക് തള്ളി നില്ക്കുന്ന കുന്നും ഒരു പ്രധാന കാരണമാണ്. ഇരുഭാഗങ്ങളില് നിന്നുമെത്തുന്ന വാഹനങ്ങള് തമ്മില് പരസ്പരം കാണാനാകാത്തതും അപകട സാധ്യത വര്ധിപ്പിക്കുന്നു. വലിയ വാഹനങ്ങള് കൂടാതെ ബൈക്കുകളും കാറുകളും അപകടത്തില്പ്പെടുന്നു. നിരവധി പേര്ക്ക് പരിക്കേല്ക്കുകയും ചെയ്തിട്ടുണ്ട്.
റോഡ് നിര്മാണം കഴിഞ്ഞതോടെ വാഹനാപകടം കൂടിയതായാണ് അനുഭവം. പൊതുമരാമത്ത് വകുപ്പധികൃതര് അപകട ഭീഷണി ഒഴിവാക്കാനായി റോഡിന്റെ വീതി വര്ദ്ധിപ്പിക്കാന് ശ്രമം നടത്തിയിരുന്നു. റോഡിനിരുവശവുമുള്ള സ്ഥലമുടമകളോട് റോഡിന് സ്ഥലം വിട്ടു നല്കാന്
അഭ്യര്ത്ഥിക്കുകയും ചെയ്തിരുന്നു. ഒരാളൊഴികെ എല്ലാവരും സ്ഥലം വിട്ടു നല്കാന് തയ്യാറായി. എതിര് നില്ക്കുന്നവരോട് സംസാരിച്ച് സ്ഥലം ലഭ്യമാക്കണമെന്ന് കുഴൂര് ഗ്രാമപഞ്ചായത്തധികൃതരോട് പൊതുമരാമത്ത് വകുപ്പുദ്യോഗസ്ഥര് അവശ്യപ്പെട്ടെങ്കിലും അത് മുന്നോട്ടുപോയില്ല.
തുടര്ന്നാണ് റോഡില് പരമാവധി ഭാഗത്ത് ടാറിംഗ് നടത്തിയത്. റോഡ് ഗതാഗതത്തിനായി തുറന്ന് കൊടുത്തപ്പോള് മുതല് അപകടവും തുടങ്ങി. വലിയപറമ്പ് ജംഗ്ഷനില് നിന്നും നാനൂറ് മീറ്ററോളം കഴിഞ്ഞ് ഇറക്കമിറങ്ങി വരുമ്പോള് ശരാശരി 12 മീറ്റര് വരെ വീതിയുണ്ട്. എന്നാല് ഈ ഭാഗത്ത് അഞ്ചര മീറ്ററോളം മാത്രമാണ് വീതിയുള്ളത്.
മാളയില് നിന്നും ആലുവ, എറണാകുളം, അങ്കമാലി തുടങ്ങിയ സ്ഥലങ്ങളിലേക്കുള്ള ഏറ്റവും എളുപ്പ വഴിയാണിത്. പാടശേഖരത്തിലൂടെയുള്ള ഭാഗം രണ്ട് മീറ്ററോ കുറഞ്ഞത് ഒരു മീറ്ററെങ്കിലും ഉയര്ത്തിയാല് അപകട ഭീഷണിയും ഗതാഗതക്കുരുക്കും ഒഴിവാക്കാം.
RELATED STORIES
അബൂദബിയില് കാണാതായ ചാവക്കാട് സ്വദേശിയെ മരിച്ച നിലയില് കണ്ടെത്തി
3 May 2024 3:01 PM GMTതൂശൂരില് ബസ്സില് ജീപ്പിടിച്ച് രണ്ട് മരണം; 12 പേര്ക്കു പരിക്ക്
3 May 2024 2:54 PM GMTഇന്ത്യൻ ഇസ്ലാഹി സെന്റർ ഇന്റർനാഷനൽ എക്സിബിഷൻ ജിദ്ദയിൽ
3 May 2024 12:23 PM GMTഗസയില് ഇസ്രായേല് സൈനികര് ഫലസ്തീനികളെ മനുഷ്യകവചമായി ഉപയോഗിച്ചു;...
3 May 2024 11:10 AM GMTഅഡ്രിയാന് ലൂണ കേരള ബ്ലാസ്റ്റേഴ്സ് വിടില്ല; ഒരു വര്ഷം കൂടെ കരാര്...
3 May 2024 10:56 AM GMTമാധ്യമപ്രവര്ത്തനം ഇന്നൊരു അപകടകരമായ ജോലിയാണ്....
3 May 2024 10:07 AM GMT