ഒരേ പന്തലില് സഹോദരിമാരെ വിവാഹം ചെയ്തു; പ്രായപൂര്ത്തിയാവാത്ത പെണ്കുട്ടിയെ വിവാഹം ചെയ്തതിന് വരന് അറസ്റ്റില്
ബംഗളൂരു: സഹോദരിമാരായ പെണ്കുട്ടികളെ ഒരേ പന്തലില് വെച്ച് വിവാഹം ചെയ്ത വരന് അറസ്റ്റില്. ഒരേ പന്തലില് സഹോദരിമാരായ ലളിതയെയും സുപ്രിയയെയും വിവാഹം ചെയ്ത് വരന് ഉമാപതിയെ ആണ് പോലിസ് അറസ്റ്റ് ചെയ്തത്. സഹോദരിമാരില് ഒരാള്ക്ക് പ്രായപൂര്ത്തിയാകാത്തതാണ് ഉമാപതിയുടെ അറസ്റ്റില് കലാശിച്ചത്.
മെയ് ഏഴിന് കര്ണാടകയിലെ കോലാറില് കുരുഡുമാലെ ക്ഷേത്രത്തിലാണ് നാടകീയ സംഭവങ്ങള് അരങ്ങേറിയത്. ഉമാപതിയുടെ ബന്ധുകൂടിയായ ലളിതയുമായുള്ള വിവാഹമാണ് ആദ്യം ഇരു കുടുംബങ്ങളുംതമ്മില് നിശ്ചയിച്ചത്. എന്നാല് തന്റെ സഹോദരി സുപ്രിയയെ കൂടി ഉമാപതി വിവാഹം കഴിക്കണമെന്ന നിബന്ധന വധുവായ ലളിത മുന്നോട്ടുവെക്കുകയായിരുന്നു. സുപ്രിയക്ക് സംസാര ശേഷി ഇല്ലാത്തതിനാല് ലളിതയോടൊപ്പമായിരുന്നു സുപ്രിയ മുഴുവന് സമയവും. ഈ ആത്മബന്ധം മൂലമാണ് ഉമാപതിയോട് സുപ്രിയയെ കൂടി വിവാഹം കഴിക്കാന് ലളിത ആവശ്യപ്പെടുന്നത്.
ലളിതയുടെ ആവശ്യം വീട്ടില് പറഞ്ഞതോടെ ഇരുവീട്ടുകാരും വിവാഹത്തിന് സമ്മതം നല്കി. ശേഷം മെയ് ഏഴിന് ലളിതയെയും സുപ്രിയയെയും ഉമാപതി ഒരേ പന്തലില് വെച്ച് ഒരുമിച്ച് വിവാഹം കഴിച്ചു. ഇതിനുപിന്നാലെ കല്യാണത്തിന്റെ വീഡിയോ വൈറലായതോടെ ഉമാപതിയെ പോലിസ് കേസെടുത്ത് അറസ്റ്റ് ചെയ്യുകയായിരുന്നു. വിവാഹ സമയം വധുവില് ഒരാള്ക്ക് പ്രായപൂര്ത്തിയായിട്ടില്ലായിരുന്നു എന്ന കാരണം ചൂണ്ടിക്കാട്ടിയാണ് അറസ്റ്റ്. സുപ്രിയയുടെ പിതാവ് നാഗരാജപ്പ വിവാഹം കഴിച്ചതും സഹോദരിമാരെയായിരുന്നു. റാണിയമ്മയെയും സുബ്ബമ്മയെയും, അതില് ഒരാള് സംസാര ശേഷി ഇല്ലാത്തയാളും.
RELATED STORIES
മോക്പോളില് ബിജെപിക്ക് അധികവോട്ട്; അന്വേഷണത്തിന് സുപ്രിംകോടതി
18 April 2024 12:57 PM GMTസെറിലാക്കിന്റെ ബേബിഫുഡ് അപകടകരം; അമിത അളവില് പഞ്ചസാരയെന്ന് പഠന...
18 April 2024 12:56 PM GMTഗള്ഫില് മഴയ്ക്കു ശമനം; കോടികളുടെ നഷ്ടം
17 April 2024 9:48 AM GMTമസറയിലെ ആടുജീവിതത്തിൻ്റെ ഓര്മകള് അയവിറക്കി നജീബ്
15 April 2024 4:52 PM GMTഇറാന്റെ തിരിച്ചടി ഉടന്; യാത്രാവിലക്കുമായി അമേരിക്ക|thejasnews
12 April 2024 12:12 PM GMTഅസ്സലാമു അലൈക യാ ശഹ്റ റദമാന്|റമദാന് വിചാരം എപ്പിസോഡ് 30
9 April 2024 7:51 AM GMT