ലൈഫ് മിഷന്‍ പദ്ധതി: കമ്മീഷനായി സ്വപ്‌ന ആവശ്യപ്പെട്ടത് 4 കോടി രൂപ

തിരുവനന്തപുരം: വടക്കാഞ്ചേരിയില്‍ ലൈഫ് മിഷന്‍ പദ്ധതി പ്രകാരം ഫ്‌ലാറ്റ് നിര്‍മിക്കുന്നതിന് കരാര്‍ ശരിപ്പെടുത്തി നല്‍കുന്നതിന് സ്വപ്ന സുരേഷ് കമ്മീഷനായി ആവശ്യപ്പെട്ടത് നാലുകോടി രൂപ. ഏറ്റെടുത്ത യൂനിടാക് എന്ന സ്ഥാപനത്തോടാണ് നാലുകോടി രൂപ ആവശ്യപ്പെട്ടത്

പദ്ധതിയുടെ പത്തുശതമാനം കമീഷന്‍ വേണമെന്നായിരുന്നു സ്വപ്നയുടെ ആവശ്യം. ഈ ധാരണയുടെ അടിസ്ഥാനത്തില്‍ 3.78 കോടി രൂപ ഇതിനകം നിര്‍മാണക്കമ്പനി കമീഷനായി നല്‍കിയിട്ടുണ്ടെന്ന് ദേശീയ അന്വേഷണ ഏജന്‍സിക്ക് വിവരം ലഭിച്ചു.

നിര്‍മാണക്കരാര്‍ ഏല്‍പിച്ചുനല്‍കിയതിന് ഒരുകോടി രൂപ ലഭിച്ചിട്ടുണ്ടെന്നാണ് സ്വപ്നാ സുരേഷിന്റെ വെളിപ്പെടുത്തല്‍. ഈ പണമാണ് ബാങ്ക് ലോക്കറില്‍നിന്ന് എന്‍.ഐ.എ പിടിച്ചെടുത്തതെന്നും അവര്‍ കോടതിയെ അറിയിച്ചിരുന്നു. എന്നാല്‍ അതിനുപുറമെ പണം ഡോളറാക്കി മാറ്റിയതിലും ദുരൂഹതയുണ്ട്. ആര്‍ക്കൊക്കെ വേണ്ടിയാണ് സ്വപ്ന ഈ പണം ആവശ്യപ്പെട്ടതെന്നത് സംബന്ധിച്ചും എന്‍.ഐ.എ അന്വേഷണം ആരംഭിച്ചു.