കൊണ്ടോട്ടി: എസ്ഡിപിഐയുടെ നേതൃത്വത്തിലുള്ള കൊവിഡ് ഹെല്‍പ് ഡെസ്‌കിന്റെ പ്രവര്‍ത്തനം ഊര്‍ജ്ജിതമാക്കി

കൊണ്ടോട്ടി: കൊവിഡ് വ്യാപനം വര്‍ധിച്ച സാഹചര്യത്തില്‍ എസ്ഡിപിഐയുടെ നേതൃത്വത്തിലുള്ള കൊവിഡ് ഹെല്‍പ് ഡെസ്‌കിന്റെ പ്രവര്‍ത്തനം ഊര്‍ജ്ജിതമാക്കി. കൊണ്ടോട്ടി മുന്‍സിപ്പാലിറ്റി 30ാം വാര്‍ഡില്‍ കൊവിഡ് പോസിറ്റീവായ 2 വീടുകളില്‍ എസ്ഡിപിഐ കൊണ്ടോട്ടി മുന്‍സിപ്പല്‍ പ്രസിഡന്റിന്റെ നേതൃത്വത്തില്‍ ഭക്ഷണകിറ്റ് വിതരണം ചെയ്തു.

മുനിസിപ്പല്‍ പ്രസിഡന്റ് ഹക്കീം മുണ്ടപ്പലത്തിന്റെ നേതൃത്വത്തിലാണ് ഭക്ഷണക്കിറ്റുകള്‍ വിതരണം ചെയ്തത്. എസ്ഡിപിഐ കൊണ്ടോട്ടി മുന്‍സിപ്പല്‍ സെക്രട്ടറി റഷീദ് മണക്കടവന്‍, ഹൈദര്‍ കുറുപ്പത്ത്,ഹസനുല്‍ ബന്ന എന്നിവര്‍ സംബന്ധിച്ചു.

എസ്ഡിപിഐ കൊണ്ടോട്ടി മുനിസിപ്പല്‍ കമ്മിറ്റിക്ക് കീഴിലാണ് കൊവിഡ് ഹെല്‍പ് ഡെസ്‌ക് പ്രവര്‍ത്തിക്കുന്നത്.