Latest News

കാവനാട്ടെ ഗൃഹനാഥന്റെ മരണം കൊലപാതകം; മരുമക്കള്‍ അറസ്റ്റില്‍

കാവനാട്ടെ ഗൃഹനാഥന്റെ മരണം കൊലപാതകം; മരുമക്കള്‍ അറസ്റ്റില്‍
X

കൊല്ലം: കാവനാട്ട് കുടുംബവഴക്കിനിടെ ഭാര്യയെ കുത്തിപ്പരിക്കേല്‍പ്പിച്ചയാളുടെ മരണം കൊലപാതകമെന്ന് പോലിസ്. കാവനാട് സ്വദേശി ജോസഫിന്റെ (50) മരണമാണ് കൊലപാതകമാണെന്ന് പോസ്റ്റ്‌മോര്‍ട്ടത്തില്‍ കണ്ടെത്തിയത്. സംഭവത്തില്‍ ഇയാളുടെ മരുമക്കളായ കാവനാട് മഠത്തില്‍ കായല്‍വാരം പ്രവീണ്‍ ഭവനത്തില്‍ പ്രവീണ്‍ (29), കാവനാട് സെന്റ് ജോസഫ് ഐലന്റില്‍ ആന്റണി (27) എന്നിവരെ പോലിസ് കസ്റ്റഡിയിലെടുത്തു.

മദ്യപിച്ച് വീട്ടിലെത്തിയ ജോസഫ് വാക്കുതര്‍ക്കത്തിനിടെ ഭാര്യയെ കുത്തിപ്പരിക്കേല്‍പ്പിക്കുകയായിരുന്നു. ഇതിനിടെ മരുമക്കള്‍ പിടിച്ചുതള്ളിയപ്പോള്‍ ഇയാള്‍ നിലത്തുവീണു. വീഴ്ചയില്‍ തലയ്‌ക്കേറ്റ ക്ഷതമാണ് മരണകാരണമെന്നാണ് പോസ്റ്റ്‌മോര്‍ട്ടം റിപോര്‍ട്ട്. ഇതിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് പ്രതികളെ പിടികൂടിയത്. ബോധരഹിതനായി വീണ ജോസഫിനെയും കുത്തേറ്റ ഭാര്യയെയും ആശുത്രിയിലെത്തിച്ചെങ്കിലും ഇയാള്‍ മരിച്ചു. ഭാര്യ എലിസബത്ത് ഇപ്പോഴും ചികില്‍സയിലാണ്.

Next Story

RELATED STORIES

Share it