കെട്ടിട നമ്പര് ക്രമക്കേട്: ഇരിട്ടി നഗരസഭയില് കോടികളുടെ നഷ്ടം വരുത്തിയവരെ ശിക്ഷിക്കണം- എസ് ഡിപിഐ
ഇരിട്ടി: ഇരിട്ടി നഗരസഭയില് കെട്ടിട നമ്പര് ക്രമക്കേടിലൂടെ നികുതിവെട്ടിപ്പ് നടത്തി സര്ക്കാരിന് കോടികളുടെ നഷ്ടം വരുത്തുകയും അതിനു കൂട്ടു നില്ക്കുകയും ചെയ്ത മുഴുവന് കുറ്റവാളികളെയും നിയമത്തിനു മുന്നില് കൊണ്ടുവന്ന് മാതൃകാപരമായി ശിക്ഷിക്കണമെന്ന് എസ്ഡിപിഐ പേരാവൂര് മണ്ഡലം പ്രസിഡന്റ് എം അബ്ദുല് സത്താര് ആവശ്യപ്പെട്ടു. കെട്ടിട നമ്പര് തിരിമറിയിലൂടെ ബില്ഡിങ് ടാക്സ് ഇനത്തിലാണ് വന് നികുതി വെട്ടിപ്പ് ഇരിട്ടി നഗരസഭയില് വിജിലന്സ് കണ്ടത്തിയിട്ടുള്ളത്.
പയഞ്ചേരി മുക്കിലെ പാരലല് കോളജിന്റെ പ്രവര്ത്തനാനുമതിയും ആ കോളജ് നിലനില്ക്കുന്ന കെട്ടിടത്തിന്റെ അനുമതിയും ചൂണ്ടിക്കാട്ടി എസ്ഡിപിഐ സമര്പ്പിച്ച വിവരാവകാശത്തിനു വ്യക്തമായ ഉത്തരം നല്കാതെ നഗരസഭ അധികൃതര് ഒളിച്ചുകളിക്കുകയായിരുന്നു. ഇരിട്ടി മുനിസിപ്പാലിറ്റി കാലങ്ങളായി അഴിമതിയുടെ ഒരു കേന്ദ്രമായി തന്നെ മാറിയിരിക്കുന്നു.
'സുപ്രണ്ടിന്റെ അഴിമതി' എന്ന് മുനിസിപ്പാലിറ്റി ഓഫിസില് പോസ്റ്റര് ഒട്ടിച്ചെന്ന സൂപ്രണ്ടിന്റെ പരാതിയില് പോലിസ് അന്വേഷണം പാതിവഴിയില് മുട്ടിനില്ക്കുന്നത് മുന്കാലങ്ങളില് ഇടത് വലത് സഹകരണ മുന്നണികള് ചെയ്തുകൂട്ടിയ അഴിമതിയുടെ ബാക്കിപത്രമാണ്. നഗരസഭയിലെ ഇത്തരം അഴിമതികളില് യുഡിഎഫിന്റെ മൗനം അവര് മുന്കാലങ്ങളില് ചെയ്തുവന്നിരുന്ന അഴിമതികള് ഓരോന്നായി പുറത്തുവരുമെന്ന ഭയപ്പാടിലണെന്നും അദ്ദേഹം കൂട്ടിച്ചേര്ത്തു.
RELATED STORIES
ഡല്ഹി പിസിസി അധ്യക്ഷന് അരവിന്ദര് സിങ് ലവ്ലി രാജിവച്ചു
28 April 2024 7:39 AM GMTമുസ് ലിം സ്ഥാനാര്ഥിയില്ല'; പ്രചാരണസമിതിയില് നിന്ന് രാജിവച്ച്...
27 April 2024 5:52 PM GMTഅജ്മീറില് പള്ളിയില്ക്കയറി ഇമാമിനെ തല്ലിക്കൊന്നു
27 April 2024 9:54 AM GMTലൈംഗികാതിക്രമ പരാതിയില് കുറ്റക്കാരനാണെന്ന് കണ്ടെത്തിയതിനെ തുടര്ന്ന്...
27 April 2024 9:00 AM GMTസിബിഎസ്ഇ ബോർഡ് പരീക്ഷകൾ 2025-'26 അധ്യയനവർഷം മുതൽ വർഷത്തിൽ രണ്ടുതവണ
27 April 2024 8:57 AM GMTമണിപ്പൂരില് വീണ്ടും സംഘര്ഷം; രണ്ട് സിആര്പിഎഫ് ജവാന്മാര്...
27 April 2024 5:55 AM GMT