പുല്വാമയില് കൊല്ലപ്പെട്ട ജെയ്ഷെ കമാന്ഡര്ക്ക് മസൂദ് അസറുമായി ഫോണ് ബന്ധമെന്ന് ഇന്ത്യന് രഹസ്യാന്വേഷണ വിഭാഗം
ന്യൂഡല്ഹി: കശ്മീരിലെ പുല്വാമയില് ഇന്ത്യന് സൈന്യവുമായുളള ഏറ്റുമുട്ടലില് കൊല്ലപ്പെട്ട ജെയ്ഷെ നേതാവ് മുഹമ്മദ് ഇസ്മയില് അല്വിക്ക് പാകിസ്താനി ഗ്രൂപ്പായ ജെയ്ഷെ മുഹമ്മദിലെ പ്രമുഖരുമായി ടെലഫോണ് ബന്ധമുണ്ടെന്ന് ഇന്ത്യന് രഹസ്യാന്വേഷണ ഏജന്സി.
കൊല്ലപ്പെട്ടയാളില് നിന്ന് കണ്ടെടുത്ത മൂന്ന് ഐഫോണില് നിന്ന് ഇതിനുള്ള തെളിവുകള് ലഭിച്ചെന്നാണ് രഹസ്യാന്വേഷണ വിഭാഗം അവകാശപ്പെടുന്നത്.
ജൂലൈ 31നാണ് പുല്വാമയിലെ ത്രാളിലെ ഹന്ഗല്മാര്ഗ് വനമേഖലയില് വച്ച് സുരക്ഷാസേനയും പോലിസും നടത്തിയ ആക്രമണത്തില് അല്വി കൊല്ലപ്പെടുന്നത്. 2019ല് പുല്വാമയില് സൈന്യത്തിനെതിരേ നടന്ന ആക്രമണത്തിന്റെ സൂത്രധാരനാണ് ഇയാളെന്നാണ് സൈന്യം പറയുന്നത്.
അന്നത്തെ ആക്രമണത്തില് രണ്ട് പേരാണ് മരിച്ചത്. ഇവരില് നിന്ന് എകെ 47, ഏതാനും പിസ്റ്റളുകള് എന്നിവ കണ്ടെടുത്തു. സമീര് ദര് എന്നയാളാണ് മരിച്ചവരില് രണ്ടാമത്തെയാള്.
ഇന്ത്യന് സുരക്ഷാസേനക്കാര്ക്കിടയില് മാര എന്ന പേരില് അറിയപ്പെടുന്ന മസൂദ് അസറിന്റെ ഇളയ സഹോദരന് മുഫ്തി അബ്ദുല് റാവുഫ് അസറുമായി നേരിട്ട് ബന്ധമുള്ളയാളാണ് അല്വിയെന്ന് കരുതുന്നു. കൂടുതല് തെളിവുകള്ക്കായുള്ള ഐഫോണ് പരിശോധന തുടരുന്നു.
മസൂദ് അസറിനെ തീവ്രവാദിപ്പട്ടികയില് പെടുത്തണമെന്നും ഇന്ത്യക്ക് കൈമാറണമെന്നുമുളള ആവശ്യം നിരവധി കാലങ്ങളായി ഇന്ത്യ ഉയര്ത്തുന്നുണ്ട്. പുതിയ കണ്ടെത്തല് ഇതിന്റെ സാധ്യത വര്ധിപ്പിക്കുമെന്നാണ് ഇന്ത്യയുടെ പ്രതീക്ഷ.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT