സത്യഭാമയുടെ വിവാദ പരാമർശം; മനുഷ്യാവകാശ കമ്മീഷൻ കേസെടുത്തു
തൃശ്ശൂര്: നര്ത്തകന് ഡോ. ആര്എല്വി രാമകൃഷ്ണനെതിരായ നര്ത്തകി സത്യഭാമയുടെ വിദ്വേഷ പരാമര്ശത്തിനെതിരെ മനുഷ്യാവകാശ കമ്മീഷന് സ്വമേധയാ കേസെടുത്തു. കറുത്ത നിറമുള്ളവര് നൃത്തം ചെയ്യരുതെന്ന് പറഞ്ഞ പരാമര്ശത്തിനെതിരെയാണ് കേസെടുത്തത്. തൃശ്ശൂര് ജില്ലാ പോലിസ് മേധാവിയും സാംസ്കാരിക വകുപ്പ് ഗവണ്മെന്റ് സെക്രട്ടറിയും പരാമര്ശം പരിശോധിച്ച് 15 ദിവസത്തിനകം റിപോര്ട്ട് സമര്പ്പിക്കണമെന്ന് കമ്മീഷന് അംഗം വി കെ ബീനാ കുമാരി ആവശ്യപ്പെട്ടു. മാധ്യമ വാര്ത്തയുടെ അടിസ്ഥാനത്തില് സ്വമേധയാ രജിസ്റ്റര് ചെയ്ത കേസിലാണ് നടപടി. മനുഷ്യാവകാശ പ്രവര്ത്തകനായ ഗിന്നസ് മാട സാമിയും ഇതേ വിഷയത്തില് പരാതി നല്കിയിരുന്നു. പുരുഷന്മാര് മോഹിനിയാട്ടം കളിക്കുന്നത് അരോചകമാണെന്നും ഇയാള്ക്ക് കാക്കയുടെ നിറമാണെന്നുമായിരുന്നു സത്യഭാമയുടെ വാക്കുകള്. 'മോഹിനിയായിരിക്കണം എപ്പോഴും മോഹിനിയാട്ടം കളിക്കേണ്ടത്. ഇയാളെ കണ്ട് കഴിഞ്ഞാല് കാക്കയുടെ നിറം. എല്ലാം കൊണ്ടും കാല് അകത്തിവച്ച് കളിക്കുന്ന കലാരൂപമാണ് മോഹിനിയാട്ടം. ഒരു പുരുഷന് ഇങ്ങനെ കാല് കവച്ചുവച്ച് മോഹിനിയാട്ടം കളിക്കുകയെന്ന് പറഞ്ഞാല് ഇതുപോലെയൊരു അരോജകത്വം വെറെയില്ല. എന്റെ അഭിപ്രായത്തില് ആണ്പിള്ളേര്ക്ക് മോഹിനിയാട്ടം ചേരുകയാണെങ്കില് തന്നെ അവര്ക്ക് അതുപോലെ സൗന്ദര്യം വേണം. ആണ് പിള്ളേരില് നല്ല സൗന്ദര്യം ഉള്ളവര് ഇല്ലേ? ഇവനെ കണ്ടാല് ദൈവം പോലും, പെറ്റ തള്ള പോലും സഹിക്കില്ല' ഇതായിരുന്നു സത്യഭാമയുടെ വിവാദ പ്രസ്താവന. യൂട്യൂബ് ചാനലില് നടത്തിയ അഭിമുഖത്തിലാണ് വിവാദ പരാമര്ശം.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
