എംഡിഎംഎ കേസില്‍ ജാമ്യം ലഭിച്ച് പുറത്തിറങ്ങിയ വീട്ടമ്മ ജീവനൊടുക്കി

ആലപ്പുഴ: എംഡിഎംഎയുമായി പോലിസ് അറസ്റ്റ് ചെയ്യുകയും റിമാന്‍ഡില്‍ കഴിയുകയും ചെയ്തിരുന്ന അമ്പലപ്പുഴ സ്വദേശിനി അഡ്വ. സത്യമോള്‍ (46) വീടിനുള്ളില്‍ ജീവനൊടുക്കി. ജാമ്യം ലഭിച്ച് പുറത്തിറങ്ങിയതിന് പിന്നാലെയാണ് ഇവരെ വീട്ടിനുള്ളില്‍ തൂങ്ങിമരിച്ച നിലയില്‍ കണ്ടെത്തിയത്.

കഴിഞ്ഞ ഒക്ടോബറില്‍ സത്യമോളുടെ വീട്ടില്‍ നിന്ന് എംഡിഎംഎയും കഞ്ചാവും പിടിച്ചെടുത്തതിനെ തുടര്‍ന്ന് ഇവരെയും മകനെയും പോലീസ് അറസ്റ്റ് ചെയ്തിരുന്നു. അഭിഭാഷക ഉള്‍പ്പെട്ട ലഹരിക്കേസ് വലിയ വാര്‍ത്താപ്രാധാന്യം നേടിയിരുന്നു. സംഭവത്തില്‍ പോലിസ് അന്വേഷണം ആരംഭിച്ചു.