കനത്ത മഴ; വയനാട്ടില്‍ വിനോദസഞ്ചാരത്തിന് നിരോധനം

കല്‍പ്പറ്റ: വയനാട് ജില്ലയില്‍ കാലവര്‍ഷം ശക്തിപ്രാപിച്ച സാഹചര്യത്തില്‍ വയനാട്ടില്‍ വിനോദസഞ്ചാരത്തിന് നിരോധനം ഏര്‍പ്പെടുത്തി. മേപ്പാടി തൊള്ളായിരംകണ്ടി ഉള്‍പ്പെടെ ജില്ലയിലെ എല്ലാ മലയോര പ്രദേശങ്ങളിലേക്കും ഇനിയൊരറിയിപ്പുണ്ടാവുന്നതുവരെ വിനോദസഞ്ചാരികള്‍ക്ക് പ്രവേശനം നിരോധിച്ചതായി ജില്ല കലക്ടര്‍ എ ഗീത അറിയിച്ചു. തുടര്‍ച്ചയായി ഉരുള്‍പ്പൊട്ടലുകളും മണ്ണിടിച്ചിലുകളുമുണ്ടാവുന്ന സാഹചര്യത്തില്‍ ഇടുക്കി ജില്ലയിലും വിനോദ സഞ്ചാരത്തിന് നിരോധനമേര്‍പ്പെടുത്തിയിരിക്കുകയാണ്.