സമരം നടത്തുന്ന പിജി ഡോക്ടര്മാരെ സര്ക്കാര് ചര്ച്ചക്ക് വിളിച്ചു
പിജി ഡോക്ടര്മാരുടെ സമരത്തിന് പിന്തുണ പ്രഖ്യാപിച്ച് ഹൗസ് സര്ജന്മാരും പണിമുടക്കുകയാണ്
തിരുവനന്തപുരം: വെട്ടിക്കുറച്ച അടിസ്ഥാന ശമ്പളം പുനസ്ഥാപിക്കണമെന്നതടക്കം വിവിധ ആവശ്യങ്ങളുന്നയിച്ച് സമരം നടത്തുന്ന പി ജി ഡോക്ടര്മാരെ സര്ക്കാര് ചര്ച്ചക്ക് വിളിച്ചു. ഡോക്ടര്മാരുമായി നാളെ ചര്ച്ചക്ക് തയ്യാറാണെന്ന് ആരോഗ്യ മന്ത്രി അറിയിച്ചു.
മെഡിക്കല് കോളജുകളുടെ താളംതെറ്റിച്ച് ഡോക്ടര്മാരുടെ സമരം തുടരുന്നതിനിടയിലാണ് സര്ക്കാര് ഡോക്ടര്മാരെ ചര്ച്ചക്ക് വിളിച്ചത്. പി.ജി ഡോക്ടര്മാരുടെ സമരത്തിന് പിന്തുണ പ്രഖ്യാപിച്ച് ഹൗസ് സര്ജന്മാരും പണിമുടക്കുകയാണ്. സമരത്തെ തുടര്ന്ന് നേരത്തെ നിശ്ചയിച്ച ഓപ്പറേഷനുകള് മാറ്റിയിരുന്നു. മെഡിക്കല് കോളജ് അധ്യാപക സംഘടനകളും സമരത്തിന് പിന്തുണ പ്രഖ്യാപിച്ച് രംഗത്തുണ്ട്. സമരം നടത്തുന്ന പി.ജി ഡോക്ടര്മാര് ഇന്ന് സെക്രട്ടറിയേറ്റിന് മുന്നിലേക്ക് മാര്ച്ച് നടത്തി.
തിരുവനന്തപുരം, കോഴിക്കോട് മെഡിക്കല് കോളജ് ഒപികളില് പകുതി ഡോക്ടര്മാര് മാത്രമാണ് എത്തിയത്. തുടര്ന്ന് രാവിലെ മുതല് ആശുപത്രിയിലെത്തിയ രോഗികള് പലരും മടങ്ങി. അടിയന്തര ശസ്ത്രക്രിയകള് മാത്രമാണ് ഇന്ന് നടക്കുക. സമരത്തിന്റെ പശ്ചാത്തലത്തില് കോഴിക്കോട് മെഡിക്കല് കോളജില് സീനിയര് ഡോക്ടര്മാരെ പുനര്വിന്യസിച്ചു ബദല് സംവിധാനം ഒരുക്കി. സമരത്തിലുള്ള ഹൗസ് സര്ജന്മാരെ ആരോഗ്യമന്ത്രി നേരത്തെ ചര്ച്ചയ്ക്ക് വിളിച്ചിരുന്നു. പി.ജി ഡോക്ടര്മാരുടെ പ്രധാന ആവശ്യമായിരുന്ന നോണ് അക്കാദമിക് ജൂനിയര് ഡോക്ടര്മാരുടെ നിയമന നടപടികള് തുടരുകയാണ്. സര്ക്കാര് നിശ്ചയിച്ച ജൂനിയര് ഡോക്ടര്മാരുടെ എണ്ണം അപര്യാപ്തമാണെന്നാണ് സമരക്കാര് പറയുന്നത്. സര്ക്കാരിന് ഇനി കൂടുതല് ഒന്നും ചെയ്യാനില്ലെന്നാണ് ആരോഗ്യമന്ത്രി വീണാ ജോര്ജ് പറഞ്ഞത്.
RELATED STORIES
ത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMTതെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMT