സൗജന്യഭക്ഷ്യക്കിറ്റ്: ഇന്ന് (സെപ്തംബര്‍ 4) റേഷന്‍കടകള്‍ തുറന്നുപ്രവര്‍ത്തിക്കും

തിരുവനന്തപുരം: ഓണത്തോടനുബന്ധിച്ച സൗജന്യഭക്ഷ്യക്കിറ്റ് വിതരണം പുരോഗമിക്കുന്ന സാഹചര്യത്തില്‍ ഇന്ന് റേഷന്‍കടകള്‍ തുറന്നുപ്രവര്‍ത്തിക്കും. പകരം 19ാം തിയതി റേഷന്‍കടകള്‍ക്ക് അവധി ആയിരിക്കും.

കിറ്റ് ഏഴാം തിയതി വൈകിട്ട് എട്ടുവരെ വിതരണം ചെയ്യും. എഴാം തിയതിയ്ക്കു ശേഷം കിറ്റ് വിതരണം ഉണ്ടായിരിക്കില്ല. 4, 5, 6, 7 എന്നീ തിയ്യതികളില്‍ എല്ലാ വിഭാഗം റേഷന്‍കാര്‍ഡുടമകള്‍ക്കും കിറ്റ് വിതരണം ചെയ്യും.

സെപ്തംബര്‍ 3 വൈകീട്ട് നാല് വരെ 65,86,224 ഭക്ഷ്യക്കിറ്റുകള്‍ വിതരണം ചെയ്തു. എ.എ.വൈ വിഭാഗത്തില്‍ 93 ശതമാനവും പി.എച്ച്.എച്ച് വിഭാഗത്തില്‍ 91 ശതമാനവും എന്‍.പി.എസ് വിഭാഗത്തില്‍ 76 ശതമാനവും കാര്‍ഡുടമകള്‍ കിറ്റുകള്‍ കൈപ്പറ്റി.

ആകെ 71 ശതമാനം കാര്‍ഡുടമകള്‍ കിറ്റ് കൈപ്പറ്റിയിട്ടുണ്ട്. എന്‍.പി.എന്‍.എസ് വിഭാഗങ്ങള്‍ക്കുള്ള കിറ്റ് വിതരണം പുരോഗമിച്ച് വരുന്നു.