ഗുജറാത്ത് മുന് മുഖ്യമന്ത്രി കേശുഭായ് പട്ടേല് അന്തരിച്ചു
നെഞ്ചുവേദനയെ തുടര്ന്ന് അഹമ്മദബാദിലെ ആശുപത്രിയില് പ്രവേശിപ്പിച്ച അദ്ദേഹം വ്യാഴാഴ്ച പുലര്ച്ചെയാണ് മരിച്ചത്. സെപ്റ്റംബറില് അദ്ദേഹത്തിന് കൊവിഡ് 19 സ്ഥിരീകരിച്ചിരുന്നു.
അഹമ്മദാബാദ്: ഗുജറാത്ത് മുന് മുഖ്യമന്ത്രിയും മുതിര്ന്ന ബിജെപി നേതാവുമായ കേശുഭായ് പട്ടേല് (92) അന്തരിച്ചു. നെഞ്ചുവേദനയെ തുടര്ന്ന് അഹമ്മദബാദിലെ ആശുപത്രിയില് പ്രവേശിപ്പിച്ച അദ്ദേഹം വ്യാഴാഴ്ച പുലര്ച്ചെയാണ് മരിച്ചത്. സെപ്റ്റംബറില് അദ്ദേഹത്തിന് കൊവിഡ് 19 സ്ഥിരീകരിച്ചിരുന്നു.
1928ല് ജുനഗഡില് കേശുഭായ് 1945ല് ആര്എസ്എസ്സിലൂടെയാണ് രാഷ്ട്രീയ രംഗത്തെത്തുന്നത്. ബിജെപിയുടെ ആദ്യരൂപമായ ജനസംഘത്തിന്റെ സ്ഥാപക നേതാക്കളില് പ്രധാനിയായിരുന്നു. 1995ലും 1998 മുതല് 2001 വരെയുമാണ് കേശഭായ് പട്ടേല് ഗുജറാത്ത് മുഖ്യമന്ത്രിയായിരുന്നത്. ആറ് തവണ ഗുജറാത്ത് നിയമസഭയിലേക്ക് തിരഞ്ഞെടുക്കപ്പെട്ടു. 1980കളില് ബിജെപിയുടെ ശക്തനായ നേതാവായിരുന്നു ഇദ്ദേഹം. 2012ല് ബിജെപിയുമായുള്ള ഭിന്നതയെതുടര്ന്ന് പാര്ട്ടിയില് നിന്ന് രാജിവച്ചു. ശേഷം ഗുജറാത്ത് പരിവര്ത്തന് പാര്ട്ടി രൂപീകരിച്ചു. 2012ലും നിയമസഭയിലേക്ക് തിരഞ്ഞെടുക്കപ്പെട്ടിരുന്നു. പക്ഷേ അനാരോഗ്യം കാരണം 2014ല് രാജിവയ്ക്കുകയായിരുന്നു. കേശുഭായ് പട്ടേലിന് ശേഷം ഗുജറാത്ത് മുഖ്യമന്ത്രിയായത് നരേന്ദ്ര മോദിയാണ്.
ഗുജറാത്തിലെ ജുനാഗഡ് ജില്ലയിലുള്ള വിസവാദറില് 1928ലാണ് കേശുഭായ് പട്ടേല് ജനിച്ചത്. 1945ല് ആര്എസ്എസില് ചേര്ന്നു. ബിജെപിയുടെ ആദ്യ രൂപമായ ജനസംഘത്തോടൊപ്പം ചേര്ന്നാണ് രാഷ്ട്രീയരംഗത്ത് ഇറങ്ങിയത്. 1975ല് ജനസംഘം കോണ്ഗ്രസ് (ഒ) വിഭാഗവും ചേര്ന്ന് ഗുജറാത്തില് അധികാരത്തിലെത്തി. അടിയന്തരാവസ്ഥയ്ക്ക് ശേഷം രാജ്കോട്ടില് നിന്ന് ലോക്സഭയിലേക്ക് തിരഞ്ഞെടുക്കപ്പെട്ടു. 1980ല് ജനസംഘം പിരിച്ചുവിടുകയും ബിജെപി രൂപീകരിക്കുകയും ചെയ്തപ്പോള് ഗുജറാത്തില് ബിജെപിയുടെ മുതിര്ന്ന സംഘാടകനായിരുന്നു കേശുഭായ് പട്ടേല്. പിന്നീട് ഗുജറാത്ത് ഉപമുഖ്യമന്ത്രിയായി. ശേഷം മുഖ്യമന്ത്രിയുമായി.
RELATED STORIES
ചാംപ്യന്സ് ലീഗില് പിഎസ്ജി-ഡോര്ട്ട്മുണ്ട് സെമി; ബാഴ്സയും...
17 April 2024 6:08 AM GMTഫലസ്തീന് പ്രശ്നപരിഹാരം കൂടാതെ പശ്ചിമേഷ്യന് സംഘര്ഷം...
16 April 2024 5:37 PM GMTയുഎഇയില് ഇന്നുമുതല് മൂന്നുദിവസം ശക്തമായ മഴയ്ക്കു സാധ്യത
15 April 2024 4:41 PM GMTഇറാന് ആക്രമണം പ്രതിരോധിക്കാന് ഇസ്രായേലിന് ചെലവായത് 11,000 കോടി
15 April 2024 6:13 AM GMTഇറാന് പിടിച്ചെടുത്ത ഇസ്രായേല് കപ്പലില് മലയാളികളടക്കം 17...
14 April 2024 5:42 AM GMTഇസ്രായേല് ബന്ധമുള്ള കപ്പല് ഇറാന് പിടിച്ചെടുത്തു
13 April 2024 1:37 PM GMT