ഖത്തറില്‍ ഫാമിലി വിസിറ്റ് വിസക്ക് ഹെല്‍ത്ത് ഇന്‍ഷുറന്‍സും റിട്ടേണ്‍ ടിക്കറ്റും നിര്‍ബന്ധം

ദോഹ: ഖത്തറില്‍ ഫാമിലി വിസിറ്റ് വിസ അനുവദിക്കുന്നതിന് ഹെല്‍ത്ത് ഇന്‍ഷുറന്‍സും റിട്ടേണ്‍ ടിക്കറ്റും നിര്‍ബന്ധമാണെന്നും ഇവയുടെ അഭാവത്തില്‍ നിരവധി അപേക്ഷകള്‍ തിരസ്‌ക്കാറുണ്ടെന്നും എമിഗ്രേഷന്‍ വകുപ്പിലെ ലഫ്റ്റനന്റ്് കേണല്‍ താരിഖ് ഈസ അല്‍ അഖീദി പറഞ്ഞു. ആഭ്യന്തര മന്ത്രാലയംം സംഘടിപ്പിച്ച വെബിനാറില്‍ സംസാരിക്കുകയായിരുന്നു അദ്ദേഹം.

സന്ദര്‍ശക കാലാവധി മുഴുവന്‍ കവര്‍ ചെയ്യുന്ന ഹെല്‍ത്ത് ഇന്‍ഷുറന്‍സ് ഉണ്ടെങ്കില്‍ മാത്രമേ ഫാമിലി വിസിറ്റ് വിസകള്‍ അനുവദിക്കുകയുള്ളൂ.കമ്പനികള്‍ മെട്രാഷ് 2 സൗകര്യങ്ങള്‍ പ്രയോജനപ്പെടുത്തണമെന്ന് അദ്ദേഹം ആവശ്യപ്പെട്ടു. സമയവും അദ്ധ്വാനവും ലാഭിക്കുവാനും കുറ്റമറ്റ സേവനം ഉറപ്പുവരുത്തുവാനും ഇത് സഹായകമാകും. മുന്നൂറോളം കമ്പനി പ്രതിനിധികള്‍ വെബിനാറില്‍ പങ്കെടുത്തു.