കര്ഷകപ്രക്ഷോഭം: കേന്ദ്രസര്ക്കാര് 'അന്നദാതാക്കളെ' പീഡിപ്പിക്കുന്നുവെന്ന് രാഹുല്ഗാന്ധി
ന്യൂഡല്ഹി: വിവാദമായ കാര്ഷിക നിയമത്തിനെതിരേ തെരുവില് സമരം ചെയ്യുന്ന അന്നദാതാക്കളായ കര്ഷകരെ കേന്ദ്ര സര്ക്കാര് ദ്രോഹിക്കുന്നുവെന്ന് കോണ്ഗ്രസ് നേതാവ് രാഹുല് ഗാന്ധി. കര്ഷകര് അവരുടെ ന്യായമായ ആവശ്യങ്ങള്ക്കായാണ് സമരം ചെയ്യുന്നത്. അതിര്ത്തി കാക്കുന്നതിനുവേണ്ടി ജീവന്വെടിഞ്ഞവരുടെ പിതാക്കന്മാരെ തടഞ്ഞുനിര്ത്താന് സര്ക്കാര് ഡല്ഹിയിലെ അതിര്ത്തികളില് ആണികള് തറച്ചിരിക്കുകയാണെന്നും രാഹുല് ട്വീറ്റ് ചെയ്തു.
''അതിര്ത്തി കാക്കുന്നതിനുവേണ്ടി ജീവന്വെടിഞ്ഞവരുടെ പിതാക്കന്മാരെ തടഞ്ഞുനിര്ത്താന് സര്ക്കാര് ഡല്ഹിയിലെ അതിര്ത്തികളില് ആണികള് തറച്ചിരിക്കുകയാണ്. ന്യായമായ ആവശ്യങ്ങള്ക്കുവേണ്ടി പോരാടുന്ന കര്ഷകരെ സര്ക്കാര് പീഡിപ്പിക്കുന്നു''- രാഹുല് ഹിന്ദിയില് ട്വീറ്റ് ചെയ്തു.
കഴിഞ്ഞ മാസം ഡല്ഹി-യുപി അതിര്ത്തിയായ ഗാസിപൂരില് കര്ഷകരെ തടഞ്ഞുനിര്ത്താന് ഡല്ഹി പോലിസ് വ്യാപകമായി റോഡില് ആണികള് തറച്ചിരുന്നു. അതിര്ത്തി മുള്ളവേലികളും ബാരിക്കേഡുകളും വച്ച് തടയുകയും ചെയ്തു.
കാര്ഷിക മേഖലയെ കോര്പറേറ്റുകള്ക്ക് അടിയറവയ്ക്കുന്ന മൂന്ന് നിയമങ്ങള്ക്കെതിരേ നവംബര് 26 മുതലാണ് കര്ഷകര് ഡല്ഹിയില് സമരം തുടങ്ങിയത്. നിയമം നടപ്പാക്കുന്നത് ജനുവരിയില് സുപ്രിംകോടതി താല്ക്കാലികമായി തടയുകയും ചെയ്തു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
