മാധ്യമ പ്രവര്ത്തകരുടെ സുരക്ഷ ഉറപ്പാക്കണം: കെയുഡബ്ല്യുജെ
സമ്പര്ക്കത്തിലൂടെ യുള്ള രോഗപ്പടര്ച്ചയും ഉറവിടമറിയാത്ത പോസിറ്റീവ് കേസുകളും കൂടിവരുന്ന പശ്ചാത്തലത്തില് മാധ്യമ പ്രവര്ത്തനവും കടുത്ത വെല്ലുവിളി അഭിമുഖീകരിക്കുകയാണെന്ന് യൂനിയന് സംസ്ഥാന പ്രസിഡന്റ് കെ പി റജിയും ജനറല് സെക്രട്ടറി ഇ എസ് സുഭാഷും പ്രസ്താവനയില് പറഞ്ഞു .
തിരുവനന്തപുരം: കൊവിഡ് വ്യാപനം അനുദിനം രൂക്ഷമാവുന്ന സാഹചര്യത്തില് സുരക്ഷാ മുന്കരുതലുകള്ക്ക് എല്ലാ തലത്തിലും തീവ്ര ജാഗ്രത വേണമെന്ന് കേരള പത്രപ്രവര്ത്തക യൂനിയന് (കെയുഡബ്ല്യുജെ) ആവശ്യപ്പെട്ടു. ഭരണസംവിധാനങ്ങളും രാഷ്ട്രീയ നേതൃത്വവും ഇതിന് മുന്കൈ എടുക്കണം. സമ്പര്ക്കത്തിലൂടെ യുള്ള രോഗപ്പടര്ച്ചയും ഉറവിടമറിയാത്ത പോസിറ്റീവ് കേസുകളും കൂടിവരുന്ന പശ്ചാത്തലത്തില് മാധ്യമ പ്രവര്ത്തനവും കടുത്ത വെല്ലുവിളി അഭിമുഖീകരിക്കുകയാണെന്ന് യൂനിയന് സംസ്ഥാന പ്രസിഡന്റ് കെ പി റജിയും ജനറല് സെക്രട്ടറി ഇ എസ് സുഭാഷും പ്രസ്താവനയില് പറഞ്ഞു .
ദിനേനയുള്ള വാര്ത്തകളുടെ കവറേജില് സാമൂഹിക അകലം പാലിക്കല് അടക്കമുള്ള സുരക്ഷാ മുന്കരുതലുകള്ക്ക് പലപ്പോഴും പ്രായോഗിക തടസ്സങ്ങള് നേരിടുകയാണ്. ആളുകളെ ഉള്ക്കൊള്ളാന് സൗകര്യമില്ലാത്ത സ്ഥലങ്ങളില് പോലും വാര്ത്താ സമ്മേളനങ്ങളും മറ്റും നടക്കുന്നു. ദൃശ്യ മാധ്യമ പ്രവര്ത്തകരാണ് ഇതിന്റെ ബുദ്ധിമുട്ട് കൂടുതലായി അനുഭവിക്കുന്നത്. കാമറയും മറ്റും സജ്ജീകരിക്കുന്നതിന് സ് ഥലസൗകര്യം കുറവായ ഇടങ്ങളില്പ്പോലും പലപ്പോഴും വാര്ത്താസമ്മേളനങ്ങള് നടക്കുന്നുണ്ട്. ഇത് മാധ്യമപ്രവര്ത്തകരുടെ മാത്രമല്ല, നേതാക്കളുടെയും പ്രവര്ത്തകരുടെ അടക്കം സുരക്ഷക്ക് ഭീഷണിയാണ്. ഈ സാഹചര്യത്തില് വാര്ത്ത സമ്മേളനങ്ങളും മറ്റും മതിയായ സുരക്ഷാ സൗകര്യങ്ങളോടെ ക്രമപ്പെടുത്തുന്നതിന് നേതാക്കള്ക്കും കീഴ്ഘടകങ്ങള്ക്കും നിര്ദേശം നല്കണമെന്ന് വിവിധ രാഷ്ട്രീയ പാര്ട്ടികള്ക്കുള്ള തുറന്ന കത്തില് അവര് അഭ്യര്ഥിച്ചു. മാധ്യമ പ്രവര്ത്തകരുടെ സുരക്ഷക്ക് സ്ഥാപനങ്ങളും പരമാവധി പരിഗണന നല്കണമെന്ന് അവര് ആവശ്യപ്പെട്ടു .
RELATED STORIES
തെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMTതെലങ്കാനയില് ക്രിസ്ത്യന് സ്കൂളിനു നേരെ ഹിന്ദുത്വരുടെ ആക്രമണം; 'ജയ്...
17 April 2024 1:59 PM GMTഛത്തീസ്ഗഢില് 18 മാവോവാദികളെ വെടിവച്ച് കൊന്നു
16 April 2024 1:14 PM GMTമാസപ്പടി ആരോപണം: സിഎംആര്എല് ഉദ്യോഗസ്ഥരെ മാരത്തണ് ചോദ്യം...
16 April 2024 5:23 AM GMTവെള്ളമുണ്ട മാവോവാദി കേസ്: നാലു പ്രതികള്ക്കും തടവ്, രൂപേഷിന് 10 വര്ഷം
12 April 2024 9:24 AM GMTയശ്വന്ത്പൂര്-കണ്ണൂര് എക്സ്പ്രസിലെ എസി കോച്ചില് വന് കവര്ച്ച
9 April 2024 5:57 AM GMT