സിറിയയില് ഇസ്രായേല് വ്യോമാക്രമണം; മരണം 15 ആയി
ദമസ്കസ്: സിറിയന് തലസ്ഥാനമായ ദമാസ്കസിലെ പാര്പ്പിട സമുച്ഛയങ്ങള്ക്ക് നേരേ ഇസ്രായേല് നടത്തിയ വ്യോമാക്രമണത്തില് 15 പേര് കൊല്ലപ്പെട്ടതായി റിപോര്ട്ട്. ഉയര്ന്ന സുരക്ഷാ മേഖലയായ കഫര് സൗസയിലാണ് ആക്രമണം. മരണസംഖ്യ ഇനിയും ഉയര്ന്നേക്കാം. കൊല്ലപ്പെട്ടവരില് സാധാരണക്കാരും സൈനികരും ഉള്പ്പെടുന്നു. ഞായറാഴ്ച രാവിലെയോടെയായിരുന്നു ആക്രമണം. തുര്ക്കി-സിറിയ അതിര്ത്തിയിലുണ്ടായ ഭൂകമ്പം വിതച്ച നാശത്തില് നിന്നും കരകയറുന്നതിന് മുമ്പേയാണ് ഇസ്രായേലിന്റെ ആക്രമണം.
രാജ്യത്തെ സുരക്ഷാ വിഭാഗങ്ങളും ഇന്റലിജന്സ് വിഭാഗവും സ്ഥിതിചെയ്യുന്ന പ്രദേശമാണ് കഫര് സൗസ. ഇറാനിയന് സ്ഥാപനങ്ങള് കൂടുതലുള്ളതും കനത്ത സുരക്ഷയുള്ളതുമായ സ്ഥലമാണിത്. ഈ പ്രദേശങ്ങളെ നേരത്തെയും ഇസ്രായേല് ലക്ഷ്യമിട്ടിരുന്നുവെങ്കിലും പാര്പ്പിട മേഖലകള്ക്ക് നേരേ ആക്രമണം അപൂര്വമായിരുന്നു. ഇസ്രായേല് മിസൈല് പതിച്ച പ്രദേശത്തിന്റെ തൊട്ടടുത്തായി ഇറാനിയന് സാംസ്കാരിക കേന്ദ്രവും പ്രവര്ത്തിക്കുന്നുണ്ട്. അതേസമയം, ആക്രമണത്തെക്കുറിച്ച് ഇസ്രായേല് ഇതുവരെ പ്രതികരിച്ചിട്ടില്ല. ഏതെങ്കിലും വ്യക്തിയെ ലക്ഷ്യമിട്ടാണോ ആക്രമണമെന്ന് വ്യക്തമല്ല. സിറിയയില് ഇറാന് തങ്ങളുടെ സൈനിക സാന്നിധ്യം ശക്തിപ്പെടുത്തിവരികയാണ്.
RELATED STORIES
ഉമര് ഫൈസിക്കെതിരായ പ്രസംഗം: കെ എസ് ഹരിഹരനെതിരേ എസ് കെഎസ്എസ്എഫ്
14 May 2024 4:31 PM GMTകോണ്ഗ്രസ് അവിശ്വാസത്തെ അനുകൂലിച്ച് സിപിഎം അംഗങ്ങള്; രാമങ്കരിയില്...
14 May 2024 4:20 PM GMTഹജ്ജ് 2024: കേരളത്തില്നിന്നുള്ള ആദ്യ വിമാനം 21ന് പുലര്ച്ചെ...
14 May 2024 2:16 PM GMTവിദ്വേഷപ്രസംഗങ്ങള്: മോദിയെ തിരഞ്ഞെടുപ്പില് നിന്ന് അയോഗ്യനാക്കണമെന്ന...
14 May 2024 11:57 AM GMTഹജ്ജ് 2024: നിയമലംഘകരെ കണ്ടെത്താന് മക്കയിലെ താമസകേന്ദ്രങ്ങളില്...
14 May 2024 9:52 AM GMTസംസ്ഥാനത്ത് മഴ കനക്കും; രണ്ടു ജില്ലകളിൽ ഓറഞ്ച് അലർട്ട്
14 May 2024 9:50 AM GMT