ശ്രീനാരായണ വെള്ളച്ചാട്ടത്തില്‍ യുവാവിന്റെ മൃതദേഹം

ദേവികുളം താലൂക്കിലെ ആനച്ചാല്‍ രാജാക്കാട് റോഡരികിലെ ശ്രീനാരായണപുരം ട്രിപ്പിള്‍ വാട്ടര്‍ ഫാള്‍സില്‍ യുവാവിന്റെ മൃതദേഹം കണ്ടെത്തി. പാറയില്‍ തട്ടി നില്‍ക്കുന്ന നിലയിലാണ് മൃതദേഹം ഇന്ന് രാവിലെ എട്ടുമണിയോടെ കണ്ടെത്തിയത്. പ്രദേശത്ത് എത്തിയ ജീപ്പ് സഫാരി ഡ്രൈവര്‍മാരാണ് മൃതദേഹം ആദ്യം കണ്ടത്. ഇവര്‍ വെള്ളത്തൂവല്‍ രാജക്കാട് പോലിസ് സ്‌റ്റേഷനില്‍ വിവരം അറിയിക്കുകയായിരുന്നു. പോലിസ് സംഭവ സ്ഥലത്തേക്ക് തിരിച്ചിട്ടുണ്ട്. ആളെ തിരിച്ചറിഞ്ഞിട്ടില്ല.