കൊവിഡ് വ്യാപനം; തിരുവനന്തപുരം ജില്ലയില് പൊതുയോഗങ്ങളും സാമൂഹിക ഒത്തുചേരലുകളും നിരോധിച്ചു
50ല് കുറവ് ആളുകള് പങ്കെടുക്കുന്ന യോഗങ്ങളും ഒത്തുചേരലുകളും അനുവദിക്കില്ലെന്നും നേരത്തേ നിശ്ചയിച്ച ഇത്തരം യോഗങ്ങളുണ്ടങ്കില് അത് മാറ്റിവെക്കണമെന്നും കലക്ടര്
തിരുവനന്തപുരം: കൊവിഡ് വ്യാപന നിരക്ക് ഉയര്ന്ന സാഹചര്യത്തില് തിരുവനന്തപുരം ജില്ലയില് കര്ശന നിയന്ത്രണങ്ങള്. ജില്ലയില് പൊതുയോഗങ്ങളും സാമൂഹിക ഒത്തുചേരലുകളും നിരോധിച്ചു ജില്ലാ കലക്ടര് ഉത്തരവിറക്കി. 50ല് കുറവ് ആളുകള് പങ്കെടുക്കുന്ന യോഗങ്ങളും ഒത്തുചേരലുകളും അനുവദിക്കില്ലെന്നും നേരത്തേ നിശ്ചയിച്ചു പോയ ഇത്തരം യോഗങ്ങള് ഉണ്ടങ്കില് സംഘാടകര് അത് മാറ്റിവെക്കണമെന്നും ജില്ലാ ദുരന്തനിവാരണ അതോറിറ്റി ചെയര്പേഴ്സണ് കൂടിയായ കലക്ടര് അറിയിച്ചു.
വിവാഹങ്ങള്ക്കും മരണാനന്തരചടങ്ങുകള്ക്കും പങ്കെടുക്കാവുന്ന ആളുകളുടെ എണ്ണം 50 ആയി നിജപ്പെടുത്തി. കര്ശന നിരീക്ഷണത്തിന് സിറ്റി, റൂറല് ജില്ലാ പോലിസ് മേധാവിമാര്ക്കും നിര്ദേശം നല്കിയിട്ടുണ്ട്. ജില്ലയിലെ സര്ക്കാര്, അര്ധ സര്ക്കാര്, പൊതുമേഖലാ സ്ഥാപനങ്ങള്, സഹകരണ സ്ഥാപനങ്ങള് എന്നിവിടങ്ങളിലേതുള്പ്പെടെ എല്ലാ ഔദ്യോഗിക പരിപാടികളും ചടങ്ങുകളും ഓണ്ലൈന് ആയി നടത്തണം. മാളുകളിലും വ്യാപാരസ്ഥാപനങ്ങളിലും ജനത്തിരക്ക് അനുവദിക്കില്ല. വ്യാപാരസ്ഥാപനങ്ങളില് 25 സ്ക്വയര് ഫീറ്റിന് ഒരാളെന്ന നിലയില് നിശ്ചയിച്ച് മാത്രമേ ആളുകളെ പ്രവേശിപ്പിക്കാന് പാടുള്ളൂ. വിദ്യാഭ്യാസ സ്ഥാപനങ്ങളില് ക്ലസ്റ്ററുകള് രൂപപ്പെട്ടാല് 15 ദിവസത്തേക്ക് സ്ഥാപനങ്ങള് അടച്ചിടണമെന്നും വിവരം പ്രിന്സിപ്പല്/ഹെഡ്മാസ്റ്റര്മാര് ബന്ധപ്പെട്ട പ്രദേശത്തെ മെഡിക്കല് ഓഫിസറെ അറിയിക്കണമെന്നും ഉത്തരവില് പറയുന്നു.
ജില്ലയില് ഇന്നലെ 3556 പേര്ക്കാണ് കൊവിഡ് സ്ഥിരീകരിച്ചത്.
RELATED STORIES
വിദ്വേഷ പ്രസംഗം; പ്രധാനമന്ത്രിയോട് വിശദീകരണം തേടി തിരഞ്ഞെടുപ്പ്...
25 April 2024 7:43 AM GMTപ്രധാനമന്ത്രിയുടെ പ്രസംഗം എക്സ് ഹാന്റിലിൽ പങ്കുവെച്ചു; ബിജെപിക്കെതിരെ...
25 April 2024 7:34 AM GMTമമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMTപട്നയില് ജെഡിയു നേതാവിനെ വെടിവച്ചുകൊന്നു
25 April 2024 5:32 AM GMTരാമക്ഷേത്രവുമായി ബന്ധപ്പെട്ട പരാമര്ശം: മോദിയുടെ പ്രസംഗത്തില്...
25 April 2024 5:18 AM GMTഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMT