വയനാട് ജില്ലയില്‍ 740 പേര്‍ക്ക് കൂടി കൊവിഡ്; ടെസ്റ്റ് പോസിറ്റിവിറ്റി നിരക്ക് 20.63 ശതമാനം

വയനാട്: വയനാട് ജില്ലയില്‍ 740 പേര്‍ക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ.ആര്‍.രേണുക അറിയിച്ചു. 835 പേര്‍ രോഗമുക്തി നേടി. ടെസ്റ്റ് പോസിറ്റിവിറ്റി റേറ്റ് 20.63 ആണ്. 7 ആരോഗ്യ പ്രവര്‍ത്തകര്‍ക്കും രോഗം സ്ഥിരീകരിച്ചു. 739 പേര്‍ക്ക് സമ്പര്‍ക്കത്തിലൂടെയാണ് രോഗബാധ.ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ എണ്ണം 1,10,240 ആയി. 1,01,326 പേര്‍ ഇതുവരെ രോഗമുക്തരായി. നിലവില്‍ 7,748 പേരാണ് ജില്ലയില്‍ ചികിത്സയിലുള്ളത്. ഇവരില്‍ 6,322 പേര്‍ വീടുകളിലാണ് ഐസൊലേഷനില്‍ കഴിയുന്നത്.

രോഗം സ്ഥിരീകരിച്ചവര്‍

നെന്‍മേനി 89, എടവക 67, പുല്‍പ്പള്ളി 57, ബത്തേരി 50, പൂതാടി 40, മീനങ്ങാടി 38, കല്‍പ്പറ്റ 36, മുട്ടില്‍ 35, മേപ്പാടി 34, വെങ്ങപ്പള്ളി 31, കണിയാമ്പറ്റ 29, പനമരം 27, അമ്പലവയല്‍ 26, മാനന്തവാടി, നൂല്‍പ്പുഴ 22, വീതം, തവിഞ്ഞാല്‍ 21, പടിഞ്ഞാറത്തറ 20, മൂപ്പൈനാട്, തിരുനെല്ലി 18 വീതം, വൈത്തിരി 16, മുള്ളന്‍കൊല്ലി 14, കോട്ടത്തറ 11, പൊഴുതന 7, തരിയോട് 6, വെള്ളമുണ്ട 4, തൊണ്ടര്‍നാട് ഒരാള്‍ക്കുമാണ് സമ്പര്‍ക്കത്തിലൂടെ രോഗം സ്ഥിരീകരിച്ചത്. ഇതിനുപുറമെ ലണ്ടനില്‍ നിന്നും വന്ന തവിഞ്ഞാല്‍ സ്വദേശിക്കും രോഗബാധ സ്ഥിരീകരിച്ചു.

835 പേര്‍ക്ക് രോഗമുക്തി

ആശുപത്രിയില്‍ ചികിത്സയിലായിരുന്ന 78 പേരും, വീടുകളില്‍ നിരീക്ഷണ ത്തിലായിരുന്ന 757 പേരുമാണ് രോഗം ഭേദമായി ഡിസ്ചാര്‍ജ് ആയത്.