രാജ്യത്ത് 10,302 പേര്‍ക്ക് കൊവിഡ്; പോസിറ്റിവിറ്റി നിരക്ക് 0.96 ശതമാനം

ന്യൂഡല്‍ഹി: രാജ്യത്ത് കഴിഞ്ഞ 24 മണിക്കൂറിനുള്ളില്‍ 10,302 പേര്‍ക്ക് കൊവിഡ് സ്ഥിരീകരിച്ചു. ആരോഗ്യ കുടുംബക്ഷേമ മന്ത്രാലയത്തിന്റെ കണക്കനുസരിച്ച് 267 പേര്‍ മരിച്ചു.

പുതിയ രോഗബാധിതരുടെ പകുതിയും കേരളത്തിലാണ്, 5,754 പേര്‍ക്ക്. സംസ്ഥാനത്ത് 49 പേര്‍ മരിക്കുകയും ചെയ്തു.

അതിനിടയില്‍ സജീവ കേസുകള്‍ 1,24,868 ആയിട്ടുണ്ട്. ആകെ രോഗബാധിതരുടെ 0.36 ശതമാനമാണ് ഇത്.

24 മണിക്കൂറിനുള്ളില്‍ 11,787 പേര്‍ രോഗമുക്തരായി. ആകെ രോഗമുക്തരുടെ എണ്ണം 3,39,09,708. രോഗമുക്തി നിരക്ക് 98.29 ശതമാനമായി.

പ്രതിദിന പോസിറ്റിവിറ്റി നിരക്ക് 0.96 ശതമാനമാണ്. തുടര്‍ച്ചയായി 47ാം ദിവസമാണ് ഇതിന്റെ അളവ് രണ്ട് ശതമാനനത്തില്‍ താഴെയാകുന്നത്. പ്രതിവാര പോസിറ്റിവിറ്റി നിരക്ക് 0.93ആണ്.

രാജ്യത്തിതുവരെ 63.05 കോടി സാംപിളുകള്‍ പരിശോധിച്ചു.

115.79 ഡോസ് വാക്‌സിന്‍ വിതരണം ചെയ്തു. വാക്‌സിന്‍ വതരണം 100 കോടി കടന്നത് ഈയിടെയാണ്. വലിയ ആഘോഷമായാണ് ഇത് ആചരിച്ചത്.