കോണ്‍ഗ്രസ് നേതൃത്വം പ്രവര്‍ത്തകരുടെ ആത്മവീര്യം തകര്‍ക്കുന്നു: വിമര്‍ശനവുമായി ഷാഫി പറമ്പില്‍ എംഎല്‍എ

പാലക്കാട്: തദ്ദേശ തിരഞ്ഞെടുപ്പില്‍ കോണ്‍ഗ്രസ്സിനുണ്ടായ പരാജയം മറ്റുള്ളവരുടെ തലയില്‍ കെട്ടിവയ്ക്കുന്ന പ്രവണതയ്‌ക്കെതിരേ യൂത്ത് കോണ്‍ഗ്രസ് നേതാവ് ഷാഫി പറമ്പില്‍ എംഎല്‍എ.

ഒന്നര മണിക്കൂറില്‍ മൂന്ന് എന്ന തോതില്‍ വ്യത്യസ്ത അഭിപ്രായം പറയുന്ന നേതാക്കള്‍ സാധാരണ പ്രവര്‍ത്തകരുടെ ആത്മവീര്യം കെടുത്തും. കോണ്‍ഗ്രസ് ഈ തിരഞ്ഞെടുപ്പോടെ ഒലിച്ചുപോകില്ല. ആത്മവിശ്വാസം വര്‍ധിപ്പിക്കുന്ന തരത്തിലുള്ള ഇടപെടലുകള്‍ വേണം. ചെറുപ്പക്കരാര്‍ക്ക് കൂടുതല്‍ അവസരം നല്‍കണം. പരസ്പരം വിമര്‍ശിക്കാതെ ഉത്തരവാദിത്തം കൂട്ടായി ഏറ്റെടുക്കണം- - ഷാഫി പറമ്പില്‍ പറഞ്ഞു.
പാലക്കാട്ടെ മുനിസിപ്പല്‍ തിരഞ്ഞെടുപ്പിലെ തോല്‍വിയില്‍ തനിക്കും ഉത്തരവാദിത്തമുണ്ടെന്ന് അദ്ദേഹം കൂട്ടിച്ചേര്‍ത്തു.

Congress leadership undermines activists' morale: Shafi Parampil MLA with criticism