ഇറാന്റെ പരമോന്നത നേതാവിനെ ലക്ഷ്യമിടാനുള്ള ശ്രമങ്ങളെ എതിര്‍ക്കുന്നുവെന്ന് ചൈന

ബീജിങ്: ഇറാന്റെ പരമോന്നത നേതാവ് മുജ്തബ ഖാംനഈയെ ലക്ഷ്യമിടാനുള്ള ഏതൊരു ശ്രമത്തെയും ചൈന എതിര്‍ക്കുന്നുവെന്ന് ചൈന. ഇറാന്‍ തങ്ങളുടെ പുതിയ പരമോന്നത നേതാവായി മുജ്തബ ഖാംനഈയെ തിരഞ്ഞെടുക്കുന്നത് ഇറാന്റെ ആഭ്യന്തര കാര്യമാണെന്ന് അദ്ദേഹം പറഞ്ഞു. ഭരണഘടന അനുസരിച്ചാണ് ഇറാന്‍ ഈ തീരുമാനമെടുത്തതെന്ന് ചൈനീസ് വിദേശകാര്യ മന്ത്രാലയ വക്താവ് ഗുവോ ജിയാകുന്‍ പത്രസമ്മേളനത്തില്‍ പറഞ്ഞു.

ഇറാന്റെ പരമാധികാരത്തെ ബഹുമാനിക്കണമെന്നും ഒരു വിദേശ രാജ്യവും അവരുടെ രാഷ്ട്രീയ വ്യവസ്ഥയില്‍ മാറ്റം വരുത്താന്‍ ശ്രമിക്കരുതെന്നും ചൈനീസ് വിദേശകാര്യ മന്ത്രി വാങ് യി നേരത്തെ പറഞ്ഞിരുന്നു.