തിരഞ്ഞെടുപ്പിനിടെ ബൂത്ത് ഏജന്റ് കുഴഞ്ഞ് വീണ് മരിച്ചു

തേഞ്ഞിപലം: പള്ളിക്കല്‍ പഞ്ചായത്തില്‍ തിരഞ്ഞെടുപ്പ് ബൂത്ത് ഏജന്റായി പ്രവര്‍ത്തിക്കുന്നതിനിടെ യുവാവ് ഹൃദയാഘാതം മൂലം മരിച്ചു. പള്ളിക്കല്‍ നെടുങ്ങോട്ട്മാട് അസൈന്‍ സാദിഖാണ് (33) മരിച്ചത്. പള്ളിക്കല് പഞ്ചായത്തിലെ 19-ാം വാര്‍ഡില്‍ ചെനക്കല്‍ കോ-ഓപ്പറേറ്റീവ് കോളജില്‍ ബൂത്ത് ഏജന്റായിരുന്നു.

നെഞ്ച് വേദന അനുഭവപ്പെട്ട് ചേളാരിയിലെയും ചുങ്കത്തെയും സ്വകാര്യ ആശുപത്രികളില് ആദ്യം എത്തിച്ചെങ്കിലും പിന്നീട് കോഴിക്കോട് സ്വാകര്യ ആശുപത്രിയിലേക്ക് കൊണ്ടുപോകവെ വഴി മധ്യേ മരണപ്പെടുകയായിരുന്നു. വാര്‍ഡിലെ സ്വതന്ത്ര സ്ഥാനാര്‍ത്ഥി ബഷീര്‍ കണ്ണനാരിയുടെ ബൂത്ത് ഏജന്റായിരുന്നു അസൈന്‍ സാദിഖ്.