ബോളിവുഡ് നടന് ദിലീപ് കുമാര് അന്തരിച്ചു
ഫിലിംഫെയര് അവാര്ഡ് ആദ്യമായി നേടിയ നടന് ദിലീപ് കുമാറാണ്. ഏറ്റവും കൂടുതല് തവണ മികച്ച നടനുള്ള ഫിലിംഫെയര് അവാര്ഡ് ലഭിച്ച നടന് എന്ന റെക്കോഡും അദ്ദേഹത്തിന്റെ പേരിലാണ്.
മുംബൈ: പ്രശസ്ത ബോളിവുഡ് നടന് ദീലീപ് കുമാര്(98) അന്തരിച്ചു. മുംബൈ ഹിന്ദുജ ആശുപത്രിയില് ചികിത്സയില് കഴിയവെയാണ് അന്ത്യം. ശ്വാസതടസം അനുഭവപ്പെട്ടതിനെത്തുടര്ന്ന് കഴിഞ്ഞ ബുധനാഴ്ചയാണ് അദ്ദേഹത്തെ ആശുപത്രിയില് എത്തിച്ചത്. യൂസഫ് ഖാന് എന്നാണ് ദിലീപ് കുമാറിന്റെ യഥാര്ഥ പേര്. 1922 ഡിസംബര് 11ല് പാകിസ്താനിലെ പെഷാവറില് ജനിച്ച അദ്ദേഹത്തിന്റെ അഭിനയ ജീവിതം തൂടങ്ങുന്നത്.
1944 ലില് ജ്വാര് ഭട്ട എന്ന ചിത്രത്തിലൂടെ അഭിനയരംഗത്തെത്തിയ ദിലീപ് കുമാര് ആറു പതിറ്റാണ്ട് കാലം അഭിനയരംഗത്ത് നിറഞ്ഞുനിന്നു. ഇക്കാലയളവില് 62 സിനിമകളില് വേഷമിട്ടു. ആന്, ധാഗ്, ആസാദ് ഗംഗ യുമന അടക്കമുള്ള സിനിമകള് ദിലീപ് കുമാറിന്റെ അഭിനയശൈലി അടയാളപ്പെടുത്തിയ സിനിമകളായിരുന്നു. 80കളില് റൊമാന്റിക് നായകനില് നിന്ന് കാമ്പുള്ള കഥാപാത്രങ്ങളിലേക്ക് അദ്ദേഹം മാറി. ക്രാന്തി, ശക്തി, കര്മ്മ, സൗഗാദര് അടക്കമുള്ള സിനിമകളില് ശക്തമായ വേഷങ്ങളിലെത്തി.
1998 ല് പുറത്തിറങ്ങിയ ക്വില ആണ് അവസാന ചിത്രം. 1966 ലാണ് ബോളിവുഡ് താരമായ സൈറ ബാനുവിനെ വിവാഹം കഴിച്ചത്. നടന്, നിര്മാതാവ് എന്നീ നിലകളില് തിളങ്ങിയ ദീലീപ് കുമാര് രാജ്യസഭാംഗമായും നാമനിര്ദേശം ചെയ്യപ്പെട്ടു. ഫിലിംഫെയര് അവാര്ഡ് ആദ്യമായി നേടിയ നടന് ദിലീപ് കുമാറാണ്. ഏറ്റവും കൂടുതല് തവണ മികച്ച നടനുള്ള ഫിലിംഫെയര് അവാര്ഡ് ലഭിച്ച നടന് എന്ന റെക്കോഡും അദ്ദേഹത്തിന്റെ പേരിലാണ്. 1997 ല് പാകിസ്താന് സര്ക്കാര് രാജ്യത്തെ ഏറ്റവും വലിയ സിവിലിയന് ബഹുമതിയായ നിഷാന് ഇ ഇംതിയാസ് നല്കി ആദരിച്ചു. 2015 ല് രാജ്യം പത്മവിഭൂഷണ് നല്കി ആദരിച്ചു. ദാദാ സാഹിബ് ഫാല്കെ പുരസ്കാരത്തിന് ദിലീപ് കുമാര് 1994ല് അര്ഹനായി.
RELATED STORIES
യൂറോ കപ്പിനുള്ള ഫ്രഞ്ച് സ്ക്വാഡ് റെഡി; മുന്നേറ്റത്തില് എംബാപ്പെയും...
17 May 2024 5:03 AM GMTഇന്ത്യന് ഫുട്ബോള് ഇതിഹാസം സുനില് ഛേത്രി വിരമിക്കല് പ്രഖ്യാപിച്ചു
16 May 2024 5:10 AM GMTആഴ്സണലോ സിറ്റിയോ ?; പ്രീമിയര് ലീഗില് ഫൈനല് റൗണ്ടില് കിരീട...
16 May 2024 5:03 AM GMTചാംപ്യന്സ് ലീഗ് കിരീടമെന്ന സ്വപ്നം സെമിയില് കൈവിട്ട് പിഎസ്ജി;...
8 May 2024 6:09 AM GMTചാംപ്യന്സ് ലീഗ് സെമി ആദ്യ പാദത്തില് റയലിന് സമനില
1 May 2024 5:49 AM GMTഐഎസ്എല്ലില് മോഹന് ബഗാന് - മുംബൈ സിറ്റി ഫൈനല്
29 April 2024 5:00 PM GMT