ബിനോയ് വിശ്വത്തിന്റെ പ്രസ്താവന അനവസരത്തില്; കോണ്ഗ്രസ് വേദിയില് പോയി പറയേണ്ടിയിരുന്നില്ലെന്നും സിപിഐ യോഗത്തില് വിമര്ശനം
തിരുവനന്തപുരം: സിപിഐ എക്സിക്യുട്ടീവ് യോഗത്തില് ബിനോയ് വിശ്വത്തിന് വിമര്ശനം. കോണ്ഗ്രസ് അനുകൂല പരാമര്ശത്തിലാണ് വിമര്ശനം. പ്രസ്താവന അനവസരത്തിലാണെന്ന് യോഗത്തില് അഭിപ്രായമുയര്ന്നു. അത്തരമൊരു പ്രസ്താവന എല്ഡിഎഫിനെ ബാധിക്കുമെന്ന് ആലോചിക്കണമായിരുന്നു. കോണ്ഗ്രസ് വേദിയില് പോയി അതു പറയേണ്ടിയിരുന്നില്ല. പ്രസ്താവന തികച്ചും അപക്വമായിപ്പോയെന്നും പാര്ട്ടി എക്സിക്യുട്ടീവ് യോഗത്തില് വിമര്ശനമുണ്ടായി.
കോണ്ഗ്രസ് തകര്ന്നാല് ഇന്ത്യന് രാഷ്ട്രീയത്തില് ഉണ്ടാകുന്ന ശൂന്യത നികത്താന് ഇടത് പക്ഷത്തിനു കഴിയില്ല എന്നായിരുന്നു ബിനോയ് വിശ്വം അഭിപ്രായപ്പെട്ടത്. ഇടത് പക്ഷത്തിനു അതിനുള്ള കെല്പ് ഇല്ല. അതിനെക്കുറിച്ച് തങ്ങള്ക്കും തിരിച്ചറിവുണ്ട്. അതുകൊണ്ട് കോണ്ഗ്രസ് തകര്ന്നു പോകരുത് എന്നാണ് താന് ആഗ്രഹിക്കുന്നത് എന്നും അദ്ദേഹം പറഞ്ഞു.
കോണ്ഗ്രസ് രാഷ്ട്രീയത്തിന്റെ കാതല് നെഹ്റുവിന്റെ രാഷ്ട്രീയമായിരുന്നു. ഇതില് കോണ്ഗ്രസ് പാര്ട്ടിക്ക് അപചയമുണ്ടായി. കോണ്ഗ്രസുമായി തനിക്ക് വിയോജിപ്പുണ്ട്. എന്നാല് ഇന്നത്തെ ഇന്ത്യന് രാഷ്ട്രീയത്തില് കോണ്ഗ്രസ് തകര്ന്നാല് ഉണ്ടാകുന്ന ശൂന്യത ഉണ്ട്. കോണ്ഗ്രസ്സിന് മാത്രമേ ആ ശൂന്യത നികത്താന് കഴിയുകയുള്ളൂ എന്നും ബിനോയ് വിശ്വം പറഞ്ഞു. കൊച്ചിയില് പി ടി തോമസ് അനുസ്മരണത്തിലായിരുന്നു ബിനോയ് വിശ്വത്തിന്റെ പരാമര്ശം.
ബിനോയ് വിശ്വത്തിന്റെ കോണ്ഗ്രസ് അനുകൂല പ്രസ്താവനയ്ക്ക് പൂര്ണ്ണ പിന്തുണയുമായി സിപിഐ മുഖപത്രം ഇന്നലെ രംഗത്തെത്തിയിരുന്നു.
രാജ്യത്ത് രാഷ്ട്രീയ ബദല് ഉണ്ടാക്കാന് കോണ്ഗ്രസ് അനിവാര്യ ഘടകം ആണെന്നാണ് ജനയുഗം മുഖപ്രസംഗത്തില് പറഞ്ഞത്. കോണ്ഗ്രസിന്റെ പ്രാധാന്യം കമ്യുണിസ്റ്റുകള് മാത്രമല്ല നിഷ്പക്ഷരും അംഗീകരിക്കുമെന്നും ജനയുഗം എഴുതി.
ഇതിനു പിന്നാലെ സിപിഐക്കെതിരെ രൂക്ഷ വിമര്ശനവുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് രംഗത്തെത്തി. സിപിഐ നിലപാട് തള്ളിയ കോടിയേരി, കോണ്ഗ്രസിനെ ബദലായി കാണാനാവില്ലെന്ന് വ്യക്തമാക്കി. കോണ്ഗ്രസ് അനുകൂല നിലപാട് കേരളത്തില് ഇടതുപക്ഷത്തിന് സഹായകമാകില്ല. സിപിഐ നിലപാട് തൃക്കാക്കര ഉപതിരഞ്ഞെടുപ്പില് കോണ്ഗ്രസിന് സഹായമാകുമെന്നും കോടിയേരി ഇടുക്കിയില് തുറന്നടിച്ചു. പിന്നാലെയാണ് ഇപ്പോള് സിപിഐ എക്സിക്യൂട്ടീവ് യോഗത്തില് ബിനോയ് വിശ്വത്തിന് നേരെ വിമര്ശനം ഉണ്ടായിരിക്കുന്നത്.
RELATED STORIES
ഇന്ത്യൻ ഇസ്ലാഹി സെന്റർ ഇന്റർനാഷനൽ എക്സിബിഷൻ ജിദ്ദയിൽ
3 May 2024 12:23 PM GMTഗസയില് ഇസ്രായേല് സൈനികര് ഫലസ്തീനികളെ മനുഷ്യകവചമായി ഉപയോഗിച്ചു;...
3 May 2024 11:10 AM GMTഅഡ്രിയാന് ലൂണ കേരള ബ്ലാസ്റ്റേഴ്സ് വിടില്ല; ഒരു വര്ഷം കൂടെ കരാര്...
3 May 2024 10:56 AM GMTമാധ്യമപ്രവര്ത്തനം ഇന്നൊരു അപകടകരമായ ജോലിയാണ്....
3 May 2024 10:07 AM GMTഫ്ളാറ്റില്നിന്ന് കുഞ്ഞിനെ പുറത്തേക്കെറിഞ്ഞത് മാതാവ്; യുവതി ലൈംഗിക...
3 May 2024 9:38 AM GMTയുവതിയെ ഹോട്ടലില് കയറി കുത്തിക്കൊലപ്പെടുത്താന് ശ്രമിച്ചതിന്...
3 May 2024 8:55 AM GMT