ഒരു ലക്ഷം യുവജനങ്ങള്‍ക്ക് തൊഴില്‍ ദാന പദ്ധതിയിലെ ആനുകൂല്യങ്ങള്‍ 30 ദിവസത്തിനകം

തിരുവനന്തപുരം: കൃഷി വകുപ്പ് നടപ്പിലാക്കുന്ന ഒരു ലക്ഷം യുവജനങ്ങള്‍ക്ക് കാര്‍ഷിക മേഖലയില്‍ തൊഴില്‍ദാന പദ്ധതി പ്രകാരം അംഗങ്ങളായവര്‍ക്ക് പെന്‍ഷന്‍ ആനുകൂല്യം ലഭിക്കുന്നതിനുള്ള അപേക്ഷകള്‍ 30 ദിവസത്തിനകം തീര്‍പ്പാക്കുമെന്ന് കൃഷിമന്ത്രി പി. പ്രസാദ് പറഞ്ഞു.

തിരുവനന്തപുരത്ത് നടന്ന ഉന്നതതല ഉദ്യോഗസ്ഥരുടെ യോഗത്തിലാണ് തീരുമാനം. നിലവിലുള്ള അപേക്ഷകളിലും പരാതികളിലും തീര്‍പ്പ് കല്‍പ്പിക്കുന്നതിന് ജില്ലകള്‍ തോറും അദാലത്തുകള്‍ നടത്തുമെന്നും പദ്ധതി പ്രകാരം ലഭിക്കുന്ന ആനുകൂല്യങ്ങള്‍ കാലോചിതമായി പരിഷ്‌കരിക്കുന്നതിനുള്ള സാധ്യതകള്‍ പരിശോധിക്കുമെന്നും പദ്ധതിയിലെ അംഗങ്ങള്‍ക്ക് മാന്യമായ വരുമാനം ഉറപ്പുവരുത്തുന്നതിനുള്ള പദ്ധതികള്‍ ആവിഷ്‌ക്കരിക്കുമെന്നും മന്ത്രി പറഞ്ഞു.