മല്‍സ്യ ബന്ധനത്തിനിടെ വൈദ്യുതാഘാതമേറ്റ് ഓട്ടോ ഡ്രൈവര്‍ മരിച്ചു

ആലപ്പുഴ: മല്‍സ്യ ബന്ധനത്തിനിടെ വൈദ്യുതാഘാതമേറ്റ് ഓട്ടോ ഡ്രൈവര്‍ മരിച്ചു. ചമ്പക്കളും പുന്നക്കുന്നം കാപ്പില്‍ വെളുത്തേടത്ത് പരേതനായ കെ സി ആന്റണിയുടെയും ഏലിക്കുട്ടിയുടേയും മകന്‍ ജോര്‍ജുകുട്ടി ആന്റണി (52) ആണ് മരിച്ചത്.

വടക്കേ തൊള്ളായിരം പാടശേഖരത്തില്‍ വീട്ടാവശ്യത്തിനായി നീട്ടുവല ഉപയോഗിച്ച് മല്‍സ്യബന്ധനം നടത്തുന്നതിനിടെയാണ് അപകടം. വെള്ളത്തില്‍ വല ഇടുന്നതിനിടെ താഴ്ന്നു കിടന്ന വൈദ്യുതി കമ്പിയില്‍നിന്നാണ് വൈദ്യുതാഘാതമേറ്റത്.