കോട്ടയം ജില്ലയില്‍ 62 ദുരിതാശ്വാസ ക്യാംപുകള്‍; 2514 പേര്‍ സുരക്ഷിത കേന്ദ്രങ്ങളില്‍, ക്യാംപ് പ്രവര്‍ത്തിക്കുന്ന സ്‌കൂളുകള്‍ക്ക് അവധി

കോട്ടയം: മഴക്കെടുതിയെത്തുടര്‍ന്ന് ജില്ലയില്‍ 62 ദുരിതാശ്വാസ ക്യാംപുകള്‍ പ്രവര്‍ത്തിക്കുന്നു. 917 കുടുംബങ്ങളിലെ 2514 പേരെ സുരക്ഷിത കേന്ദ്രങ്ങളിലേക്ക് മാറ്റി. ചങ്ങനാശേരി താലൂക്ക് 7, കോട്ടയം 37, മീനച്ചില്‍ 7, കാഞ്ഞിരപ്പള്ളി 3, വൈക്കം 8 എന്നിങ്ങനെയാണ് ക്യാമ്പുകളുടെ എണ്ണം.

1015 പുരുഷന്മാരും 1055 സ്ത്രീകളും 444 കുട്ടികളുമാണ് ക്യാംപുകളിലുള്ളത്. കോട്ടയം താലൂക്കില്‍ 1448 പേരെയും ചങ്ങനാശേരിയില്‍ 365 പേരെയും മീനച്ചിലില്‍ 218 പേരെയും കാഞ്ഞിരപ്പള്ളിയില്‍ 195 പേരെയും വൈക്കത്ത് 288 പേരെയുമാണ് സുരക്ഷിത കേന്ദ്രങ്ങളിലേക്ക് മാറ്റിയത്. കോട്ടയം: കോട്ടയം ജില്ലയില്‍ ദുരിതാശ്വാസ ക്യാമ്പുകള്‍ പ്രവര്‍ത്തിക്കുന്ന സ്‌കൂളുകള്‍ക്ക് തിങ്കളാഴ്ച (ആഗസ്ത് 8 ) അവധി പ്രഖ്യാപിച്ച് ജില്ലാ കലക്ടര്‍ ഡോ. പി കെ ജയശ്രീ ഉത്തരവായി.