വയനാട്ടില് പുതിയതായി 12 കൊവിഡ് രോഗികള്
ഇതോടെ വയനാട്ടില് കൊവിഡ്19 സ്ഥിരീകരിച്ചവുടെ എണ്ണം 197 ആയി ഉയര്ന്നു.
കല്പറ്റ: വയനാട് ജില്ലയില് ഇന്ന് 12 പേര്ക്ക് കൊവിഡ് സ്ഥിരീകരിച്ചു. ഇതോടെ വയനാട്ടില് കൊവിഡ്19 സ്ഥിരീകരിച്ചവുടെ എണ്ണം 197 ആയി ഉയര്ന്നു. ബാഗ്ലൂരില് നിന്നെത്തിയ 8 പേരും വിദേശത്ത് നിന്നെത്തിയ ഒരാള്ക്കും ഹൈദരാബാദില് നിന്നുമുള്ള ദമ്പതികള്ക്കും കര്ണാടകയില് നിന്നുളള ഒരാള്ക്കുമാണ് ചൊവ്വാഴ്ച കൊവിഡ് സ്ഥിരീകരിച്ചത്. 97 പേരാണ് നിലവില് രോഗം സ്ഥിരീകരിച്ച് ചികിത്സയില് കഴിയുന്നത്.
ജില്ലയില് 93 പേരും കോഴിക്കോട്, തിരുവനന്തപുരം, പാലക്കാട്, കണ്ണൂര്, എന്നിവിടങ്ങളില് ഓരോരുത്തരുമാണ് ചികില്സയിലുളളത്. ജില്ലയില് ഇതുവരെ 99 പേര് രോഗമുക്തി നേടി.
രോഗം സ്ഥിരീകരിച്ചവര്:
ജൂലൈ 9ന് കര്ണാടകയില് നിന്നെത്തിയ 62 കാരനായ കാക്കവയല് സ്വദേശി, ജൂലൈ 10ന് ഹൈദരാബാദില് നിന്നെത്തിയ 33 വയസ്സ് പ്രായമുള്ള പനമരം സ്വദേശികളായ ദമ്പതികള്, ജൂണ് 27 ന് ദുബായില് നിന്നു വന്ന 54 വയസ്സുള്ള പുല്പ്പള്ളി സ്വദേശി, ബംഗളുരുവില് നിന്നും ജൂലൈ 9, 10, 11, 13 തിയ്യതികളില് ജില്ലയിലെത്തിയ 42 കാരനായ വെള്ളമുണ്ട സ്വദേശി, 24 വയസ്സുള്ള പിലാക്കാവ് സ്വദേശി, 39 കാരനായ പടിഞ്ഞാറത്തറ സ്വദേശി, 22 കാരനായ മുട്ടില് സ്വദേശി, 21 വയസ്സുള്ള മുള്ളന്കൊല്ലി സ്വദേശി, അമ്പലവയല് സ്വദേശി (27), എളുമണ്ണം സ്വദേശി (42), പുല്പ്പള്ളി സ്വദേശി (51)എന്നിവര്ക്കാണ് രോഗം സ്ഥിരീകരിച്ചത്. നിരീക്ഷണത്തില് 3584 പേര് കൊവിഡ് പ്രതിരോധവുമായി ബന്ധപ്പെട്ട് ജില്ലയില് ചൊവ്വാഴ്ച്ച 321 പേര് പുതുതായി നിരീക്ഷണത്തിലായി. 293 പേര് നിരീക്ഷണ കാലം പൂര്ത്തിയാക്കി. നിലവില് നിരീക്ഷണത്തില് കഴിയുന്നത് 3584 പേരാണ്. ജില്ലയില് നിന്ന് ഇതുവരെ പരിശോധനയ്ക്കയച്ച 11201 സാമ്പിളുകളില് 9531 പേരുടെ ഫലം ലഭിച്ചു. ഇതില് 9333 നെഗറ്റീവും 198 പോസിറ്റീവുമാണ്.
RELATED STORIES
കെഎസ്ആര്ടിസി സ്വിഫ്റ്റ് ഡ്രൈവറെ ബസില് കയറി മര്ദ്ദിച്ചു; ഏഴ് ...
10 May 2024 8:41 AM GMTഅമേത്തിയിലും റായ്ബറേലിയിലും കോൺഗ്രസ് ജയിക്കും : കെസി വേണുഗോപാൽ
10 May 2024 8:39 AM GMTപ്രണയം നിരസിച്ചതിന് അരുംകൊല; വിഷ്ണുപ്രിയ കൊലക്കേസിൽ ശ്യാംജിത്ത്...
10 May 2024 7:01 AM GMTഅധിക പലിശ വാഗ്ദാനം ചെയ്ത് തട്ടിപ്പ്; യുവതി അറസ്റ്റിൽ
10 May 2024 6:59 AM GMTകെജ് രിവാളിന്റെ ജാമ്യ ഹരജിയിൽ സുപ്രിംകോടതി വിധി ഇന്ന്
10 May 2024 5:23 AM GMTമുംബൈ-പൂനെ എക്സ്പ്രസ് വേയില് അപകടം; മൂന്ന് മരണം
10 May 2024 5:22 AM GMT