പറമ്പിക്കുളം ഡാം തുറക്കുന്നു; ചാലക്കുടി പുഴയിലെ ജലനിരപ്പ് ഉയരാന് സാധ്യത, ജാഗ്രതാ നിര്ദേശം
![പറമ്പിക്കുളം ഡാം തുറക്കുന്നു; ചാലക്കുടി പുഴയിലെ ജലനിരപ്പ് ഉയരാന് സാധ്യത, ജാഗ്രതാ നിര്ദേശം പറമ്പിക്കുളം ഡാം തുറക്കുന്നു; ചാലക്കുടി പുഴയിലെ ജലനിരപ്പ് ഉയരാന് സാധ്യത, ജാഗ്രതാ നിര്ദേശം](https://www.thejasnews.com/h-upload/2021/09/03/162676-dam-param.jpg)
തൃശൂര്: ചാലക്കുടി പുഴയിലെ ജലനിരപ്പ് ഉയരാനുള്ള സാധ്യത കണക്കിലെടുത്ത് ജില്ലാ ദുരന്തനിവാരണ അതോറിറ്റി മുന്കരുതല് നടപടികള് സ്വീകരിച്ചു. തമിഴ്നാട്ടിലെ പറമ്പിക്കുളം ഡാമിലെ ജലനിരപ്പ് 1825 അടിയിലെത്തിയാല് ഡാം തുറന്ന് അധികജലം പറമ്പിക്കുളം നദിയിലേക്ക് ഒഴുക്കിവിടും. തുറന്നുവിടുന്ന വെള്ളം പെരിങ്ങല്കുത്ത് ഡാമിലേക്കും തുടര്ന്ന് ചാലക്കുടി പുഴയിലേയ്ക്കുമാണ് ഒഴുകുന്നത്. ചാലക്കുടി പുഴയില് ജലനിരപ്പ് ഉയരാന് സാധ്യതയുള്ളതിനാല് പൊതുജനങ്ങളും കുട്ടികളും പുഴയില് ഇറങ്ങുന്നതിനും ഫോട്ടോ എടുക്കുന്നതിനും നിയന്ത്രണമേര്പ്പെടുത്തി.
കൊവിഡ് മാനദണ്ഡമനുസരിച്ച് പ്രളയ ദുരിതാശ്വാസ ക്യാംപുകള് ഉള്പ്പെടെ തുറക്കും. ചാലക്കുടി, അതിരപ്പള്ളി പരിയാരം, മേലൂര്, കോടശ്ശേരി, ആളൂര്, മാള, കാടുകുറ്റി, അന്നമനട, കുഴൂര്, പൊയ്യ, കൊരട്ടി, പുത്തന്ചിറ തുടങ്ങിയ ഗ്രാമപഞ്ചായത്തുകളില് ജനങ്ങള്ക്ക് മൈക്ക് അനൗണ്സ്മെന്റ് മുഖേന മുന്നറിയിപ്പ് നല്കും. ചാലക്കുടി പുഴയിലെ മത്സ്യബന്ധനത്തിനും വിനോദ സഞ്ചാരത്തിനും കര്ശന നിയന്ത്രണം ഏര്പ്പെടുത്തിയിട്ടുണ്ട്. അടിയന്തര സാഹചര്യത്തില് പെരിങ്ങല്കുത്ത് ഡാമിലെ ജലനിരപ്പ് തോത് ഓരോ മണിക്കൂര് ഇടവിട്ട് പരിശോധിക്കും.
RELATED STORIES
കലാപാഹ്വാനക്കേസ് നിലനില്ക്കില്ലെന്ന് കോടതി; പോപുലര് ഫ്രണ്ട് മുന്...
26 July 2024 2:41 PM GMTരാമനഗര ജില്ല ഇനി ബെംഗളൂരു സൗത്ത്; കര്ണാടകയിലും പേരുമാറ്റം
26 July 2024 1:07 PM GMTരാഷ്ട്രപതി ഭവനിലും പേരുമാറ്റം; ദര്ബാര് ഹാള് ഇനി 'ഗണതന്ത്ര മണ്ഡപം'
25 July 2024 11:17 AM GMTഅര്ജുന്റെ ലോറിയിലെ തടി 8 കിലോമീറ്റര് അകലെ നിന്നു കണ്ടെത്തി; പിഎ 1...
25 July 2024 9:23 AM GMTസത്യസരണിയിലേക്കുള്ള സംഘപരിവാര് മാര്ച്ച് തടഞ്ഞെന്ന കേസ്: മുഴുവന്...
23 July 2024 11:07 AM GMTമൂന്നാംമോദി സര്ക്കാരിന്റെ ആദ്യ ബജറ്റ് ധനമന്ത്രി നിര്മലാ സീതാരാമന്...
23 July 2024 6:10 AM GMT