എം സി കമറുദ്ദീന്‍ ഉള്‍പ്പെട്ട നിക്ഷേത്തട്ടിപ്പ്: ലീഗ് നേതൃത്വത്തിനും പങ്കെന്ന് ഐ എന്‍ എല്‍

മാള(തൃശൂര്‍): എം സി കമറുദ്ദീന്‍ എംഎല്‍എ ഉള്‍പ്പെട്ട നിക്ഷേപത്തട്ടിപ്പില്‍ ലീഗ് നേതൃത്വത്തിലെ പലര്‍ക്കും പങ്കുണ്ടെന്ന് ഐഎന്‍എല്‍ തൃശ്ശൂര്‍ ജില്ലാ സെക്രട്ടറി സാലി സജീര്‍. ഐ എന്‍ എല്ലിന്റെ പുത്തന്‍ചിറ പഞ്ചായത്ത് കമ്മിറ്റി രൂപീകരണശേഷം നടന്ന യോഗത്തില്‍ സംസാരിക്കുകയായിരുന്നു അദ്ദേഹം. ഐഎന്‍എല്‍ പുത്തന്‍ചിറ പഞ്ചായത്ത് കമ്മിറ്റി ജനറല്‍ സെക്രട്ടറിയായി ടി എ റിയാസിനെയും പ്രസിഡന്റായി മജീഷ് പുത്തന്‍ചിറയെയും തിരഞ്ഞെടുത്തു. അഷ്‌റഫ് വൈപ്പിന്‍ കാട്ടില്‍(ഖജാന്‍ജി), ടി എ ശിഹാബ് (വൈസ് പ്രസിഡന്റ്), സിയാദ് (ജോയിന്റ് സെക്രട്ടറി). മണ്ഡലം പ്രസിഡന്റ് ജോസ് കുരിശിങ്കല്‍ അധ്യക്ഷത വഹിച്ചു. ജനറല്‍ സെക്രട്ടറി റിയാസ് മാള, ഷഫീര്‍ കുന്നത്തേരി, മുഹ്‌സിന്‍ റാഫി സംസാരിച്ചു.

Investment fraud involving MC Kamaruddin: INL blames league leadership