അടച്ചിട്ട വീട്ടില് മോഷണം; അലമാരയില് സൂക്ഷിച്ച 12 പവന് സ്വര്ണവും 1.2 ലക്ഷം രൂപയും നഷ്ടപ്പെട്ടു

പരപ്പനങ്ങാടി: അടച്ചിട്ട വീട്ടില് മോഷണം. വീട്ടുകാര് ആശുപത്രിയില് പോയ സമയത്താണ് കവര്ച്ച നടന്നത്. അലമാരയില് സൂക്ഷിച്ചിരുന്ന 12 പവന് സ്വര്ണാഭരണങ്ങളും 1,20,000 രൂപയും നഷ്ടപ്പെട്ടു. ചാപ്പപ്പടി കളത്തിങ്ങല് സൈതലവിക്കോയ എന്ന കെ ജെ കോയയുടെവീട്ടിലാണ് മോഷണം നടന്നത്. വീട്ടുകാര് പരപ്പനങ്ങാടി പോലിസില് പരാതി നല്കി. ഞായറാഴ്ചഉച്ചയ്ക്ക് കോട്ടയം വൈക്കത്ത് ആശുപത്രിയില് ചികില്സയിലുള്ള ബന്ധുവിനെ കാണാന്പോയ വീട്ടുകാര് തിങ്കള് പുലര്ച്ചെ 3.30ഓടെ തിരിച്ചെത്തി.
പൂട്ടിയിട്ടിരുന്ന ഗേറ്റ് തുറന്ന് അകത്തുകടന്നപ്പോള് വീടിന്റെ മുന്വാതില് തുറന്ന നിലയിലും വീടിനകത്തെ അലമാരയിലെയും മറ്റും സാധനങ്ങളാകെ വാരിവലിച്ചിട്ട നിലയിലുമായിരുന്നു. മുന്ഭാഗത്തെ വാതിലിന്റെ ലോക്ക് അടര്ത്തിയാണ് അകത്തുകടന്നത്. കോലായിലും വാതിലിന് സമീപത്തും മറ്റ് വീടിന്റെ പരിസരങ്ങളിലും മുളകുപൊടി വിതറിയ നിലയിലാണ്. രാവിലെ പോലിസ് സ്ഥലത്തെത്തി പരിശോധന നടത്തി. മലപ്പുറത്തുനിന്ന് ഡോഗ് സ്ക്വാഡ് എത്തിയെങ്കിലും മുളക് വിതറിയതിനാല് പരിശോധന നടന്നില്ല. തുടര്ന്ന് വിരലടയാള വിദഗ്ധരടങ്ങുന്ന സംഘമെത്തി തെളിവുകള് ശേഖരിച്ചു. പരപ്പനങ്ങാടി പോലിസിന്റെ അന്വേഷണം പുരോഗമിക്കുകയാണ്.
RELATED STORIES
കോട്ടക്കല് നഗരസഭാ ഭരണം ലീഗിന് നഷ്ടമായി
6 Dec 2023 10:16 AM GMTപി ഡി പി പത്താം സംസ്ഥാന സമ്മേളനം ഡിസംബര് ഒമ്പത് മുതല് മലപ്പുറം...
5 Dec 2023 5:31 AM GMTകാട്ടുപന്നിക്ക് വെച്ച കെണിയില് വിദ്യാര്ത്ഥിക്ക് ദാരുണാന്ത്യം;...
4 Dec 2023 5:05 AM GMTകോട്ടക്കല് പോലിസ് സ്റ്റേഷന് ആക്രമിച്ചെന്ന കേസ്: മുഴുവന് പേരെയും...
29 Nov 2023 9:28 AM GMTനവകേരള സദസ്സ്: അഭിവാദ്യമര്പ്പിക്കാന് വീണ്ടും കുട്ടികളെ...
27 Nov 2023 3:17 PM GMTഹസീബ് തങ്ങള്ക്ക് ലീഗുമായി ബന്ധമില്ലെന്ന്
27 Nov 2023 1:09 PM GMT