ലോറിയിടിച്ച് സ്‌കൂട്ടര്‍ യാത്രികന്‍ മരിച്ചു

നിലമ്പൂര്‍: നിലമ്പൂരില്‍ ലോറിയിടിച്ച് സ്‌കൂട്ടര്‍ യാത്രികന്‍ മരിച്ചു. എടക്കര മരംവെട്ടിച്ചാല്‍ സ്വദേശി തിരുപ്പതിയില്‍ വീട്ടില്‍ ദേവരാജന്‍ (60) ആണ് മരിച്ചത്. ഇന്ന് ഉച്ചയോടെയാണ് അപകടം. കനോലി പ്ലോട്ടിന് സമീപം വച്ച് ദേവാരാജന്‍ സഞ്ചരിച്ചിരുന്ന സ്‌കൂട്ടറില്‍ ലോറി ഇടിക്കുകയായിരുന്നു. ടയറിനടിയിലേക്ക് തെറിച്ചുവീണ ദേവരാജന്‍ തല്‍ക്ഷണം മരിച്ചു. മൃതദേഹം നിലമ്പൂര്‍ ഗവ: ആശുപത്രി മോര്‍ച്ചറിയില്‍.