മലപ്പുറം ജില്ലയില് 330 പേര്ക്ക് കൂടി കൊവിഡ്; 119 പേര്ക്ക് രോഗമുക്തി
സമ്പര്ക്കത്തിലൂടെ 302 പേര്ക്ക് രോഗം, മൂന്ന് ആരോഗ്യ പ്രവര്ത്തകര്ക്കും രോഗബാധ, ചികിത്സയില് 2,269 പേര് ആകെ നിരീക്ഷണത്തിലുള്ളത് 42,618 പേര്
മലപ്പുറം: ജില്ലയില് ഇന്ന് 330 പേര്ക്ക് കൊവിഡ് സ്ഥിരീകരിച്ചതായി ജില്ലാ കലക്ടര് കെ. ഗോപാലകൃഷ്ണന് അറിയിച്ചു. 302 പേര്ക്ക് നേരിട്ടുള്ള സമ്പര്ക്കത്തിലൂടെയാണ് രോഗബാധ. ഏഴ് പേര്ക്ക് ഉറവിടമറിയാതെയാണ് കൊവിഡ് ബാധിച്ചത്. വൈറസ് ബാധയുണ്ടായവരില് മൂന്ന് പേര് ആരോഗ്യ പ്രവര്ത്തകരുമാണ്. ഇന്ന് രോഗം സ്ഥിരീകരിച്ചവരില് ആറ് പേര് ഇതര സംസ്ഥാനങ്ങളില് നിന്നെത്തിയവരും ശേഷിക്കുന്ന 12 പേര് വിവിധ വിദേശ രാജ്യങ്ങളില് നിന്നെത്തിയവരുമാണ്. ജില്ലയില് ഇന്ന് 119 പേരാണ് വിദഗ്ധ ചികില്സക്ക് ശേഷം രോഗമുക്തരായത്. ഇതുവരെ 9,223 പേരാണ് വിദഗ്ധ ചികില്സക്ക് ശേഷം രോഗമുക്തരായി വീടുകളിലേക്ക് മടങ്ങിയതെന്നും ജില്ലാ കലക്ടര് പറഞ്ഞു.
അതേസമയം 42,618 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 2,269 പേര് വിവിധ ചികില്സാ കേന്ദ്രങ്ങളില് നിരീക്ഷണത്തിലുണ്ട്. കൊവിഡ് പ്രത്യേക ചികില്സാ കേന്ദ്രങ്ങളായ ആശുപത്രികളില് 393 പേരും വിവിധ കൊവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 1,306 പേരുമാണ് നിരീക്ഷണത്തിലുള്ളത്. മറ്റുള്ളവര് വീടുകളിലും കൊവിഡ് കെയര് സെന്ററുകളിലുമായി നിരീക്ഷണത്തിലാണ്. ഇതുവരെ 1,30,078 സാംപിളുകളാണ് ജില്ലയില് നിന്ന് പരിശോധനക്കയച്ചത്. ഇതില് 1,545 സാംപിളുകളുടെ പരിശോധനാ ഫലങ്ങളാണ് ഇനി ലഭിക്കാനുള്ളത്.
രോഗം സ്ഥിരീകരിച്ചവരുമായി ഏതെങ്കിലും വിധത്തില് സമ്പര്ക്കമുണ്ടായിട്ടുള്ളവര് വീടുകളില് പ്രത്യേക മുറികളില് നിരീക്ഷണത്തില് കഴിയണമെന്ന് ജില്ലാ മെഡിക്കല് ഓഫിസര് ഡോ. കെ. സക്കീന അറിയിച്ചു. ഈ വിവരം ആരോഗ്യ പ്രവര്ത്തകരെ അറിയിക്കണം. വീടുകളില് നിരീക്ഷണത്തിന് സൗകര്യമില്ലാത്തവര്ക്ക് സര്ക്കാര് ഒരുക്കിയ കൊവിഡ് കെയര് സെന്ററുകള് ഉപയോഗപ്പെടുത്താം. ആരോഗ്യ പ്രശ്നങ്ങളുണ്ടായാല് ഒരു കാരണവശാലും നേരിട്ട് ആശുപത്രികളില് പോകരുത്. ജില്ലാതല കണ്ട്രോള് സെല്ലില് വിളിച്ച് ലഭിക്കുന്ന നിര്ദേശങ്ങള് പൂര്ണമായും പാലിക്കണം. ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT