വടകര താലൂക്ക് ഓഫിസില്‍ വന്‍ തീപ്പിടിത്തം; ഫയലുകള്‍ കത്തിനശിച്ചു

കോഴിക്കോട്: വടകര താലൂക്ക് ഓഫിസില്‍ വന്‍ തീപ്പിടിത്തം. രാവിലെ ആറുമണിയോടെയാണ് സംഭവം. കെട്ടിടം മുഴുവന്‍ തീപടര്‍ന്നു. ഓഫിസ് രേഖകള്‍ പൂര്‍ണമായും കത്തി നശിച്ചു.

വടകരയില്‍നിന്ന് ഫയര്‍ഫോഴ്‌സ് യൂനിറ്റുകള്‍ എത്തി തീയണക്കാനുള്ള ശ്രമം തുടരുകയാണ്. തലശ്ശേരി, പേരാമ്പ്ര ഫയര്‍ഫോഴ്‌സ് യൂനിറ്റുകള്‍ കൂടി ഇപ്പോള്‍ എത്തിയിട്ടുണ്ട്. അടുത്തുള്ള ട്രഷറി, സബ് ജയില്‍ കെട്ടിടങ്ങളിലേക്ക് തീ പടരുന്നത് തടയാനാണ് ശ്രമം. തീപ്പിടിത്തത്തിനുള്ള കാരണം അറിവായിട്ടില്ല.