ചങ്ങനാശ്ശേരിയില് ബൈക്കുകള് കുട്ടിയിടിച്ച് മൂന്നുപേര് മരിച്ചു
കോട്ടയം: ചങ്ങനാശ്ശേരി ബൈപാസില് ബൈക്കുകള് കുട്ടിയിടിച്ചുണ്ടായ അപകടത്തില് മൂന്നുപേര് മരിച്ചു. പുതുപ്പള്ളി സ്വദേശി ശരത് പി സുരേഷ് (19), ചങ്ങനാശ്ശേരി സ്വദേശികളായ മുരുകന് ആചാരി (67), സേതുനാഥ് (41) എന്നിവരാണ് മരിച്ചത്. ബുധനാഴ്ച രാത്രിയായിരുന്നു അപകടം. മല്സരഓട്ടം നടത്തുകയായിരുന്ന ബൈക്ക് മറ്റൊരു ബൈക്കില് ഇടിക്കുകയായിരുന്നു. രണ്ടുപേര് സംഭവസ്ഥലത്തുതന്നെ മരിച്ചു. ശരത് ഓടിച്ച ബൈക്ക് അമിതവേഗതയിലെത്തി ബൈപ്പാസില് റോഡ് ക്രോസ് ചെയ്യുകയായിരുന്ന ബൈക്കില് ഇടിക്കുകയായിരുന്നു.
പാലാത്ര ഭാഗത്തേയ്ക്ക് ബൈക്കില് വരികയായിരുന്നു സേതുനാഥും മുരുകനും. ഇടിയുടെ ആഘാതത്തില് ബൈക്കില്നിന്നും തെറിച്ചു വീണ മൂവരും തലയിടിച്ച് റോഡിലേക്ക് വീഴുകയായിരുന്നു. ഓടിക്കൂടിയ നാട്ടുകാര് ചേര്ന്ന് ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല. മുരുകനും സേതുനാഥും സ്വര്ണപ്പണിക്കാരാണ്. വാഹനമോടിച്ചിരുന്ന യുവാവിന്റെ ഹെല്മെറ്റില്നിന്ന് കാമറയും കണ്ടെടുത്തിട്ടുണ്ട്. നേരത്തെയും അമിതവേഗതയില് വാഹനം ഓടിച്ചതിന് ശരത്തിനെതിരേ കേസ് രജിസ്റ്റര് ചെയ്തിട്ടുണ്ട്. സ്ഥലത്ത് മണിക്കൂറുകളോളം ഗതാഗതം സ്തംഭിച്ചു.
RELATED STORIES
പരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT41 ഡിഗ്രി സെൽഷ്യസ് വരെ താപനില ഉയരാൻ സാധ്യത, പാലക്കാട് ഉഷ്ണതരംഗ...
25 April 2024 10:52 AM GMT