മന്ത്രി എം വി ഗോവിന്ദന്റെ വാഹനം കണ്ണൂരില്‍ അപകടത്തില്‍പ്പെട്ടു

കണ്ണൂര്‍: തദ്ദേശസ്വയംഭരണ മന്ത്രി എം വി ഗോവിന്ദന്‍ സഞ്ചരിച്ച വാഹനം അപകടത്തില്‍പ്പെട്ടു. കണ്ണൂര്‍ തളാപ്പിലാണ് മന്ത്രിയുടെ ഔദ്യോഗികവാഹനം അപകടത്തില്‍പ്പെട്ടത്. യാത്രയ്ക്കിടെ തളാപ്പിലെ റോഡ് ഡിവൈഡറില്‍ തട്ടി കാറിന്റെ ടയര്‍ പൊട്ടിത്തെറിക്കുകയായിരുന്നു. അപകടത്തെത്തുടര്‍ന്ന് മന്ത്രിയെ മറ്റൊരു വാഹനത്തില്‍ വീട്ടിലെത്തിച്ചു. അപകടത്തില്‍ മന്ത്രിക്കോ ഒപ്പമുണ്ടായിരുന്നവര്‍ക്കോ പരിക്കില്ല.