മാഹിയിലെ ബസ് സര്‍വീസ് ഉടന്‍ പുനരാരംഭിക്കണം; എസ് ഡിപി ഐ നിവേദനം നല്‍കി

മാഹി: പുതുച്ചേരി സര്‍ക്കാരിനു കീഴിലുള്ള മാഹിയിലെ ബസ് സര്‍വീസ് ഉടന്‍ പുനരാരംഭിക്കാന്‍ വേണ്ട നടപടിയെടുക്കണമെന്ന് ആവശ്യപ്പെട്ട് മാഹി റീജ്യനല്‍ അഡ്മിനിസ്‌ട്രേറ്റര്‍ക്കും എംഎല്‍എക്കും എസ്ഡിപിഐ മാഹി മേഖലാ കമ്മിറ്റി നിവേദനം നല്‍കി. പന്തക്കല്‍, പള്ളൂര്‍, ചാലക്കര എന്നിവിടങ്ങളിലെ ജനങ്ങള്‍ അവരുടെ എല്ലാ ആവശ്യത്തിനും ആശ്രയിക്കുന്നത് മാഹിയെയാണെന്നും നിലവിലെ സാഹചര്യത്തില്‍ പൊതുജനങ്ങളും തൊഴിലാളികളും വളരെയധികം യാത്രാക്ലേശം അനുഭവിക്കുകയാണെന്നും നിവേദനത്തില്‍ ചൂണ്ടിക്കാട്ടി. എസ്ഡിപിഐ മാഹി മേഖലാ കമ്മിറ്റി പ്രസിഡന്റ് പി നാസിര്‍ നിവേദനം കൈമാറി. കണ്ണൂര്‍ ജില്ലാ വൈസ് പ്രസിഡന്റ് സി കെ ഉമ്മര്‍ മാസ്റ്റര്‍, മാഹി ബ്രാഞ്ച് പ്രസിഡന്റ് പി മന്‍സൂര്‍ സംബന്ധിച്ചു.

Bus service in Mahe should be resumed soon; SDPI filed the petition