Kannur

കണ്ണൂരില്‍ വീണ്ടും മയക്കുമരുന്നുവേട്ട; ലക്ഷങ്ങള്‍ വിലവരുന്ന എംഡിഎംഎ പിടികൂടി

കണ്ണൂരില്‍ വീണ്ടും മയക്കുമരുന്നുവേട്ട; ലക്ഷങ്ങള്‍ വിലവരുന്ന എംഡിഎംഎ പിടികൂടി
X

കണ്ണൂര്‍: എടക്കാട് പോലിസ് നൈറ്റ് പട്രോളിങ്ങില്‍ ലക്ഷങ്ങള്‍ വിലവരുന്ന എംഡിഎംഎ മയക്കുമരുന്നുകള്‍ പിടികൂടി. വ്യാഴാഴ്ച പുലര്‍ച്ചെ എടക്കാട് സബ് ഇന്‍സ്‌പെക്ടര്‍ മഹേഷ് കണ്ടംബേത്തിന്റെ നേതൃത്വത്തില്‍ പോലിസ് നടാലില്‍ നടത്തിയ വാഹനപരിശോധനക്കിടയിലാണ് മയക്കുമരുന്നുകള്‍ പിടികൂടിയത്. 15.18 ഗ്രാം എംഡിഎംഎ ആണ് പരിശോധനയില്‍ കണ്ടെത്തിയത്.

നടാല്‍ എടക്കാട് സ്വദേശി കെ ഷാനിദി(32) നെയാണ് പോലിസ് പിടികൂടിയത്. പ്രതി ഓടിച്ചുവന്ന KL13AR7407 നമ്പര്‍ സ്‌കൂട്ടറും പോലിസ് കസ്റ്റഡിയിലെടുത്തു. വാഹനത്തില്‍ നിന്നും എംഡിഎംഎ മയക്കുമരുന്നു വില്‍പ്പനയ്ക്കായുള്ള ഇലക്ട്രോണിക് തൂക്ക മിഷനും ചെറിയ പ്ലാസ്റ്റിക്ക് കവറുകളും കണ്ടെത്തി. എഎസ്‌ഐ രാഗേഷ്, ഹോം ഗാര്‍ഡ് രാജീവന്‍ എന്നിവരും മയക്കുമരുന്ന് പിടികൂടിയ സംഘത്തിലുണ്ടായിരുന്നു.

Next Story

RELATED STORIES

Share it