പെരുമ്പാവൂരില് നിരോധിത പുകയില ഉല്പ്പന്നങ്ങള് പിടികൂടി
![പെരുമ്പാവൂരില് നിരോധിത പുകയില ഉല്പ്പന്നങ്ങള് പിടികൂടി പെരുമ്പാവൂരില് നിരോധിത പുകയില ഉല്പ്പന്നങ്ങള് പിടികൂടി](https://www.thejasnews.com/h-upload/2021/02/21/139549-hans.jpg)
കൊച്ചി: പെരുമ്പാവൂരില് നിരോധിത പുകയില ഉല്പന്നങ്ങളുടെ വന് ശേഖരം പിടികൂടി. പെരുമ്പാവൂര് പാലക്കാട്ട് താഴത്തുള്ള ഭായിക്കോളനി പരിസരത്ത് ദീര്ഘകാലമായി അച്ചിട്ടിരുന്ന കടമുറികളില് നിന്നാണ് രണ്ട് ലോഡോളം വരുന്ന ഹാന്സ് ഉള്പ്പെടെയുള്ള നിരോധിത പുകയില ഉല്പ്പന്നങ്ങള് പോലിസ്, എക്സൈസ്, പെരുമ്പാവൂര് നഗരസഭ ആരോഗ്യ വിഭാഗം എന്നിവരുടെ സംയുക്ത നേതൃത്വത്തില് നടന്ന റെയ്ഡില് പിടികൂടിയത്. അടഞ്ഞുകിടന്ന കടമുറികളുടെ താഴ് പോലിസ് പൊളിച്ചാണ് ചാക്കു കെട്ടുകളിലാക്കി സൂക്ഷിച്ചിരുന്ന പുകയില ഉല്പ്പന്നങ്ങള് കണ്ടെത്തിയത്. എറണാകുളം റൂറല് ജില്ലയില് നിരോധിത പുകയില ഉല്പ്പന്നങ്ങള്, മയക്കുമരുന്നുകള് എന്നിവ പിടികൂടുന്നതിന് ജില്ലാ പോലിസ് മേധാവി കെ കാര്ത്തിക്കിന്റെ നേതൃത്വത്തിലുള്ള പ്രത്യേക അന്വേഷണ സംഘം നടത്തി വരുന്ന പരിശോധനകളുടെ ഭാഗമായാണ് പെരുമ്പാവൂരിലും റെയ്ഡ് നടന്നത്. ഞായറാഴ്ച പരിശോധന നടത്തിയ പോലിസ് സംഘത്തില് പെരുമ്പാവൂര് ഡിവൈഎസ്പി എന് ആര് ജയരാജ്, ഇന്സ്പെക്ടര് രാഹുല് രവീന്ദ്രന്, സബ് ഇന്സ്പെക്ടര്മാരായ എസ് ആര് സനീഷ്, ജോഷി പോള്, എഎസ്ഐമാരായ സലീം, റെജി ജോസ്, എസ്സിപിഒ സുബൈര് എന്നിവരാണ് ഉണ്ടായിരുന്നത്. പരിശോധന തുടരുമെന്ന് എസ് പി കാര്ത്തിക് പറഞ്ഞു.
Prohibited tobacco products seized in Perumbavoor
RELATED STORIES
മണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMTനീറ്റ് യുജി പുതുക്കിയ റാങ്ക് പട്ടിക പുറത്തിറക്കി; കണ്ണൂര് സ്വദേശി...
26 July 2024 4:29 PM GMT