സംസ്ഥാനത്ത് ജനസംഖ്യയുടെ പകുതിയിലധികം പേര്ക്ക് ആദ്യ ഡോസ് വാക്സിന് നല്കി: മന്ത്രി വീണാ ജോര്ജ്
തിരുവനന്തപുരം: സംസ്ഥാനത്തെ ആകെ ജനസംഖ്യയുടെ പകുതിയിലധികം പേര്ക്ക് ആദ്യ ഡോസ് കൊവിഡ് വാക്സിന് നല്കിയെന്ന് ആരോഗ്യമന്ത്രി വീണാ ജോര്ജ്. 2021ലെ പ്രൊജക്ടറ്റഡ് പോപ്പുലേഷനായ 3.54 കോടി അനുസരിച്ച് 50.25 ശതമാനം പേര്ക്കാണ് (1,77,88,931) ആദ്യ ഡോസ് വാക്സിന് നല്കിയതെന്നും മന്ത്രി പറഞ്ഞു. ജനുവരി 16ന് സംസ്ഥാനത്ത് വാക്സിനേഷന് ആരംഭിച്ച് 213 ദിവസം കൊണ്ടാണ് ഈ ലക്ഷ്യം കൈവരിക്കാനായത്.
സംസ്ഥാനത്ത് ഇതുവരെ ഒന്നും രണ്ടും ഡോസ് ചേര്ത്ത് ആകെ 2,45,13,225 പേര്ക്കാണ് വാക്സിന് നല്കിയത്. അതില് 1,77,88,931 പേര്ക്ക് ഒന്നാം ഡോസ് വാക്സിനും 67,24,294 പേര്ക്ക് രണ്ടാം ഡോസ് വാക്സിനുമാണ് നല്കിയത്. 50.25 ശതമാനം പേര്ക്ക് ഒന്നാം ഡോസും 19 ശതമാനം പേര്ക്ക് രണ്ടാം ഡോസും നല്കി. 18 വയസിന് മുകളിലുള്ള ജനസംഖ്യയനുസരിച്ച് 61.98 ശതമാനം പേര്ക്ക് ഒന്നാം ഡോസും 23.43 ശതമാനം പേര്ക്ക് രണ്ടാം ഡോസും നല്കിയിട്ടുണ്ട്. ഇത് ദേശീയ ശരാശരിയേക്കാളും വളരെ കൂടുതലാണ്. മാത്രമല്ല രണ്ടാം ഡോസ് ലഭിച്ചവരുടെ ശതമാനം ദേശീയ ശരാശരിയുടെ ഇരട്ടിയിലധികമാണ്. ഇതുവരെ വരെ ഇന്ത്യയില് 130 കോടി ജനങ്ങളില് 42,86,81,772 പേര്ക്ക് ഒന്നാം ഡോസും (32.98) 12,18,38,266 പേര്ക്ക് രണ്ടാം ഡോസും (9.37) ഉള്പ്പെടെ 55,05,20,038 പേര്ക്കാണ് വാക്സിന് നല്കിയിട്ടുള്ളത്.
സ്തീകളാണ് വാക്സിന് സ്വീകരിച്ചവരില് മുന്നിലുള്ളത്. ഒന്നും രണ്ടും ഡോസ് ചേര്ത്ത് 1,27,53,073 ഡോസ് സ്ത്രീകള്ക്കും, 1,17,55,197 ഡോസ് പുരുഷന്മാര്ക്കുമാണ് നല്കിയത്. 18 വയസിനും 44 വയസിനും ഇടയ്ക്ക് പ്രായമുള്ളവര്ക്ക് 75,27,242 ഡോസും, 45 വയസിനും 60 വയസിനും ഇടയ്ക്ക് പ്രായമുള്ളവര്ക്ക് 83,31,459 ഡോസും, 60 വയസിന് മുകളിലുള്ളവര്ക്ക് 86,54,524 ഡോസുമാണ് നല്കിയിട്ടുള്ളത്.
സംസ്ഥാനത്ത് ആഗസ്റ്റ് 9 മുതലാണ് വാക്സിനേഷന് യജ്ഞം ആരംഭിച്ചത്. കഴിഞ്ഞ തിങ്കളാഴ്ച മുതല് ഈ തിങ്കളാഴ്ച വരെ ആകെ 27,61,409 പേര്ക്കാണ് വാക്സിന് നല്കിയത്.
RELATED STORIES
രാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTഇസ്രായേലിന്റെ ആണവനിലയങ്ങള് അത്യാധുനിക ആയുധങ്ങളാല് തകര്ക്കുമെന്ന്...
19 April 2024 1:15 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT