ഒക്ടോബര് 18 മുതല് കോളജുകളില് ക്ലാസുകള്; 25 മുതല് സിനിമാ തിയറ്ററുകളും ഇന്ഡോര് ഓഡിറ്റോറിയങ്ങളും തുറക്കും
സംസ്ഥാനത്തിനകത്ത് വിവിധ സ്ഥാപനങ്ങളില് പ്രവേശിക്കുന്നതിന് കൊവിഡ് നെഗറ്റീവ് സര്ട്ടിഫിക്കറ്റ് വേണ്ടതില്ല. രണ്ട് ഡോസ് വാക്സിനേഷന് നിബന്ധന മതി.
തിരുവനന്തപുരം: ഒക്ടോബര് 25 മുതല് നിബന്ധനകളോടെ സിനിമാ തിയറ്ററുകളും ഇന്ഡോര് ഓഡിറ്റോറിയങ്ങളും തുറക്കാന് മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന കൊവിഡ് അവലോകന യോഗം തീരുമാനിച്ചു. രണ്ട് ഡോസ് വാക്സിന് സ്വീകരിച്ച തൊഴിലാളികളെ ഉള്പ്പെടുത്തി രണ്ട് ഡോസ് വാക്സിന് സ്വീകരിച്ചവര്ക്കാവും പ്രവേശനം. 50 ശതമാനം സീറ്റിങ് കപ്പാസിറ്റിയിലാവും ഇവിടങ്ങളില് പ്രവേശിക്കാന് അനുവദിക്കുകയെന്ന് മുഖ്യമന്ത്രി പറഞ്ഞു. രണ്ട് ഡോസ് വാക്സിന് സ്വീകരിച്ച ജീവനക്കാരെയും അധ്യാപകരെയും വിദ്യാര്ഥികളെയും ഉള്പ്പെടുത്തി ഒക്ടോബര് 18 മുതല് കോളജുകളിലെ എല്ലാ വര്ഷ ക്ലാസുകളും മറ്റ് പരിശീലന സ്ഥാപനങ്ങളിലെ ക്ലാസുകളും ആരംഭിക്കും. സംസ്ഥാനത്തിനകത്ത് വിവിധ സ്ഥാപനങ്ങളില് പ്രവേശിക്കുന്നതിന് കൊവിഡ് നെഗറ്റീവ് സര്ട്ടിഫിക്കറ്റ് വേണ്ടതില്ല.
രണ്ട് ഡോസ് വാക്സിനേഷന് നിബന്ധന മതി. പ്രീമെട്രിക് ഹോസ്റ്റലുകളും മോഡല് റസിഡന്ഷ്യല് സ്കൂളുകളും ബയോ ബബിള് മാതൃകയില് മറ്റു സ്കൂളുകള് തുറക്കുന്ന നവംബര് ഒന്നുമുതല് തുറക്കും. രണ്ട് ഡോസ് വാക്സിന് സ്വീകരിച്ച ജീവനക്കാരെ ഉള്പ്പെടുത്തി മറ്റ് സ്കൂളുകളിലെ ക്ലാസുകള് ആരംഭിക്കാന് അനുവദിച്ചത് പ്രകാരമാവും ഇത്. കല്യാണം, മരണാനന്തര ചടങ്ങുകള് എന്നിവയ്ക്ക് 50 പേരെ വരെ പങ്കെടുക്കാന് അനുവദിക്കും. 50 പേരെ വരെ ഉള്പ്പെടുത്തി ശാരീരിക അകലം പാലിച്ച് നവംബര് 1 മുതല് ഗ്രാമസഭകള് ചേരാനും അനുവദിക്കും. സിഎഫ്എല്ടിസി, സിഎസ്എല്ടിസികളായി പ്രവര്ത്തിക്കുന്ന കോളജുകള്, കോളജ് ഹോസ്റ്റലുകള്, സ്കൂളുകള് എന്നിവ ഒഴിവാക്കണം. കൊവിഡ് ഡ്യൂട്ടിക്ക് വിനിയോഗിച്ച അധ്യാപകരെ തിരിച്ചു വിളിക്കുമ്പോള് ആ ഉത്തരവാദിത്വം നിറവേറ്റാന് പറ്റുന്ന വളന്റിയര്മാരെ പകരം കണ്ടെത്താവുന്നതാണ്.
സ്കൂളുകള് തുറക്കുമ്പോള് ആശങ്കകള് സ്വാഭാവികമാണ്. കുട്ടികള്ക്ക് സാധാരണ വരുന്ന അസുഖങ്ങളും കൊവിഡായി തെറ്റിദ്ധരിച്ചേക്കാം. അതിനാല്, ഡോക്ടര്മാരുടെ നിരീക്ഷണം ശക്തിപ്പെടുത്തണമെന്നും ആവശ്യമായ കരുതല് എടുക്കണമെന്നും മുഖ്യമന്ത്രി പറഞ്ഞു. പ്രത്യേക സാഹചര്യങ്ങളില് ആന്റിജന് ടെസ്റ്റ് നടത്തേണ്ടതായിവരും. അതിനാല്, സര്ക്കാര് ആശുപത്രികളില് ആവശ്യത്തിന് ആന്റിജന് കിറ്റുകള് ലഭ്യമാക്കേണ്ടതുണ്ട്. കുട്ടികള്ക്കിടയില് നടത്തിയ സെറോ പ്രിവലന്സ് സര്വേ പൂര്ത്തിയായി. സ്കൂളുകള് തുറക്കാനുള്ള മാര്ഗരേഖയും ഉടന് പുറത്തിറക്കും. കുട്ടികള്ക്കുള്ള ഹോമിയോ പ്രതിരോധ മരുന്ന് വിതരണത്തിനുള്ള ക്രമീകരണങ്ങള് പൂര്ത്തിയായിവരുന്നതായും മുഖ്യമന്ത്രി പറഞ്ഞു.
RELATED STORIES
ഒഡീഷയില് പള്ളിക്ക് ബോംബെറിഞ്ഞ കേസില് ഐടിഐ വിദ്യാര്ഥി അറസ്റ്റില്
29 March 2024 9:24 AM GMTഅമിത് ഷാ ഗുണ്ടയും റൗഡിയുമാണെന്ന് യതീന്ദ്ര സിദ്ധരാമയ്യ
29 March 2024 7:14 AM GMTപേരാമ്പ്ര അനു കൊലപാതകം; പ്രതി മുജീബ് റഹ്മാന്റെ ഭാര്യ റൗഫീന അറസ്റ്റില്
29 March 2024 6:25 AM GMTഎയര് ഇന്ത്യ അഴിമതിക്കേസില് പ്രഫുല് പട്ടേലിന് ക്ലീന് ചിറ്റ് നല്കി...
29 March 2024 6:22 AM GMTപാസഞ്ചര് ടാക്സി 300 അടി താഴ്ചയിലേക്ക് വീണ് 10 മരണം; സംഭവം ജമ്മു...
29 March 2024 6:18 AM GMTഅരലക്ഷം കടന്ന് സ്വര്ണവില കുതിക്കുന്നു; പവന് 50,400 രൂപ
29 March 2024 6:17 AM GMT