ഇന്ത്യക്കെതിരായ ഏകദിന,ട്വന്റി20 പരമ്പര;ഗെയിലില്ലാതെ വിന്ഡീസ്
8 Oct 2018 5:13 PM GMT
ന്യൂഡല്ഹി: ഇന്ത്യക്കെതിരായ നിശ്ചിത ഓവര് പരമ്പരകള്ക്കുള്ള വെസ്റ്റ് ഇന്ഡീസ് സ്ക്വാഡിനെ പ്രഖ്യാപിച്ചു. ടെസ്റ്റ് പരമ്പരയ്ക്ക് ശേഷമുള്ള അഞ്ച് മല്സര ഏകദിന പരമ്പരയ്ക്കും മൂന്ന് മല്സരങ്ങളടങ്ങിയ ട്വന്റി20 പരമ്പരയ്ക്കുമുള്ള ടീമുകളെയാണ് വിന്ഡീസ് ക്രിക്കറ്റ് ബോര്ഡ് പ്രഖ്യാപിച്ചിരിക്കുന്നത്. ട്വന്റി20യില് ഡാരന് ബ്രാവോ, എവിന് ലെവിസ്, കീറണ് പൊള്ളാര്ഡ്, ദിനേഷ് രാംദിന്, ആന്ദ്രെ റസല് തുടങ്ങിയ സൂപ്പര് താരങ്ങള് അണി നിരക്കുമ്പോള് മികച്ച താരങ്ങളുടെ അഭാവമാണ് ജേസണ് ഹോള്ഡര് നയിക്കുന്ന ഏകദിന ടീമിലുള്ളത്. കാര്ലോസ് ബ്രാത്ത്വെയ്റ്റാണ് ട്വന്റി20 ടീമിനെ നയിക്കുന്നത്.
നായകന് ജേസണ് ഹോള്ഡറിന് പുറമേ, ദേവേന്ദ്ര ബിഷു, എവിന് ലെവിസ്, കെമര് റോച്ച്, മര്ലോണ് സാമുവല്സ് എന്നിവരാണ് ഏകദിന ടീമിലെ പ്രധാനികള്.അതേസമയം വിന്ഡീസ് സൂപ്പര് താരങ്ങളായ ക്രിസ് ഗെയില്, സുനില് നരൈന്, ഡ്വെയിന് ബ്രാവോ എന്നിവര്ക്ക് രണ്ട് ടീമുകളിലും ഇടം പിടിക്കാനായില്ല. സൂപ്പര് താരങ്ങളുടെ വെടിക്കെട്ട് കാണാന് കാത്തിരിക്കുന്ന ആരാധകര്ക്ക് ഇത് നിരാശയാണ് നല്കുന്നത്.
21ന് തുടങ്ങുന്ന ഏകദിന പരമ്പരയില് 5 മല്സരങ്ങളാണുള്ളത്. തിരുവനന്തപുരത്തെ ഗ്രീന്ഫീല്ഡ് സ്റ്റേഡിയമാണ് പരമ്പരയിലെ അവസാന ഏകദിനത്തിന് വേദിയാകുന്നത്.
Next Story
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
