ചേളാരി പാലക്കലില്‍ ബൈക്കില്‍ ലോറിയിടിച്ച് യുവാവ് മരിച്ചു

തിരൂരങ്ങാടി: താനാളൂരില്‍ ബൈക്കില്‍ ലോറിയിടിച്ച് യുവാവ് മരിച്ചു. എസ്ഡിപിഐ താനാളൂര്‍ പഞ്ചായത്ത് സെക്രട്ടറി താനാളൂര്‍ തലാപ്പില്‍ അനസ് (29) ആണ് ഇന്ന് പുലര്‍ച്ചെ ചേളാരി പാലക്കലിലുണ്ടായ അപകടത്തില്‍ മരിച്ചത്. പുലര്‍ച്ചെ താനാളൂരില്‍ നിന്ന് ജോലി സ്ഥലമായ കോഴിക്കോട്ടേക്ക് പോവുന്നതിനിടെ പാലക്കലില്‍ വച്ച് അനസ് സഞ്ചരിച്ച ബൈക്കില്‍ ലോറി ഇടിക്കുകയായിരുന്നു. മയ്യിത്ത് തിരൂരങ്ങാടി താലൂക്ക് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. ഭാര്യ: ഷെറിന്‍. ഒരു മകനുണ്ട്.