വനിതാ സംവരണ ബില്ലിന്മേല് വോട്ടെടുപ്പ് ഇന്ന്
ന്യൂഡല്ഹി: വനിതാ സംവരണ ബില്ലിന്മേലുള്ള വോട്ടെടുപ്പ് ഇന്ന് വൈകിട്ട് നാല് മണിക്ക് നടക്കും. ബില്ല് പാസ്സാകാന് 360 എംപിമാരുടെ പിന്തുണ കിട്ടണം. എന്നാല് ഇപ്പോഴത്തെ നിലയ്ക്ക് ഇത് സാധ്യമല്ല. 543 സീറ്റില് മൂന്നിലൊന്ന് സ്ത്രീകള്ക്ക് നല്കുന്നതേ അംഗീകരിക്കൂ എന്ന നിലപാടില് പ്രതിപക്ഷം ഉറച്ച് നില്ക്കുകയാണ്. എന്നാല്, സ്ത്രീകളുടെ അവകാശം ഉറപ്പിക്കാന് സര്ക്കാര് നോക്കുമ്പോള് സാങ്കേതിക കാരണം പറഞ്ഞ് ഇത് പ്രതിപക്ഷം തടയുന്നു എന്നതാണ് പ്രധാനമന്ത്രിയും ബിജെപിയും ഉയര്ത്തുന്ന പ്രധാന വാദം.
ഇന്ന് പുലര്ച്ചെ ഒരു മണി വരെ പാര്ലമെന്റില് വനിതാ ബില്ലില് ചര്ച്ചകളുണ്ടായിരുന്നു. രാത്രി സംസാരിച്ച ഫ്രാന്സിസ് ജോര്ജ് എംപി വലിയ വിമര്ശനമുന്നയിക്കുന്നത് കണ്ടു സഭയില്. വളഞ്ഞ വഴിയിലൂടെ ഭരണം പിടിക്കാനുള്ള ശ്രമമാണ് സര്ക്കാര് നടത്തുന്നത് എന്നായിരുന്നു ഫ്രാന്സിസ് ജോര്ജിന്റെ വിമര്ശനം. ബില് പാസാകുമെന്ന പ്രതീക്ഷയിലാണ് ബിജെപി ക്യാംപ്.
