ഡല്ഹി തിരഞ്ഞെടുപ്പ്: കേന്ദ്രമന്ത്രി ഗിരിരാജ് സിങ് പണം വിതരണം ചെയ്തെന്ന് ആം ആദ്മി പാര്ട്ടി
ന്യൂഡല്ഹി: കേന്ദ്രമന്ത്രിയും ബിജെപി നേതാവുമായ ഗിരാജ് സിങ് വോട്ടെടുപ്പിന് മുന്നോടിയായി പണം വിതരണം ചെയ്യുകയാണെന്ന ഗുരുതര ആരോപണവുമായി ആം ആദ്മി പാര്ട്ടി നേതാവ് സഞ്ജയ് സിങ് രംഗത്ത്. പണവും മദ്യവും വിതരണം ചെയ്യാനായി 240 എംപിമാരെ വിവിധ നിയോജകമണ്ഡലങ്ങളില് പാര്പ്പിക്കാന് ബിജെപി തീരുമാനിച്ചതായും അദ്ദേഹം ട്വിറ്ററില് ആരോപിച്ചു. 'കേന്ദ്രമന്ത്രി ഗിരാജ് സിങിനെ റിഥാല നിധാന് സഭ ബുദ്ധ വിഹാര് ഒന്നില് പണം വിതരണം ചെയ്യുന്നതിനിടെ പിടിക്കപ്പെട്ടു. വിവിധ മണ്ഡലങ്ങളില് പണവും മദ്യവും വിതരണം ചെയ്യാനുള്ള ഉത്തരവാദിത്തം എംപിമാര്ക്ക് ബിജെപി നല്കിയിട്ടുണ്ട്. ഇക്കാര്യത്തില് തിരഞ്ഞെടുപ്പ് കമ്മീഷന് കര്ശന നടപടി സ്വീകരിക്കണമെന്നും സഞ്ജയ് സിങ് ട്വീറ്റ് ചെയ്തു. ട്വീറ്റിനൊപ്പം ഗിരാജ് സിങിന്റെ ചിത്രവും ഉള്പ്പെടുത്തിയിട്ടുണ്ട്.
മാത്രമല്ല, ഗിരിരാജ് സിങിനെ തിരഞ്ഞെടുപ്പ് കമ്മീഷന് അറസ്റ്റ് ചെയ്യണമെന്നും അദ്ദേഹം ആവശ്യപ്പെട്ടു. റിഥാല നിയമസഭയിലെ ബുദ്ധ വിഹാര് ഒന്നാം ഫേസിലെ സംഭവസ്ഥലത്ത് മാധ്യമങ്ങള് എത്തിച്ചേരണം. 240 എംപിമാരും ബിജെപി മന്ത്രിമാരും ഡല്ഹിയിലെ വിവിധ നിയമസഭകളില് പ്രശ്നങ്ങള് സൃഷ്ടിക്കുമെന്ന് ഞാന് കഴിഞ്ഞ ദിവസം തിരഞ്ഞെടുപ്പ് കമ്മീഷനെ അറിയിച്ചിരുന്നതായും സഞ്ജയ് സിങ് കൂട്ടിച്ചേര്ത്തു. വോട്ടെടുപ്പിനു മണിക്കൂറുകള് ബാക്കിയിരിക്കെയാണ് കേന്ദ്രമന്ത്രിക്കെതിരേ ഗുരുതര ആരോപണമുയര്ന്നിട്ടുള്ളത്. ശനിയാഴ്ച രാവിലെ ഏഴുമുതലാണ് വോട്ടെടുപ്പ്.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT